LAVI NOU KON KWITYEN
Ès Ou Pwépawé Pou Lè Bagay Vini Pli Wèd An Péyiʼw?
I pa ka sipwi nou bagay ka vini pli wèd owon latè-a. Mé pouki i pa ka sipwi nou? Sa sé paski nou sav nou ka viv an sé dènyé jou-a. (2 Timòfi 3:1) Èk osi, 1 Timòfi 6:17 di nou, pou pa mété èspwa nou an “wichès, paski jòdi-a i la, épi denmen i pa la.” Alò, ki mannyè ègzanp Wa Jéhòchafat sa édé nou pou pwépawé pou lè bagay vini pli wèd an péyi nou?
Lè lòt nasyon té vlé ataké Wa Jéhòchafat èk pèp Jouda, Jéhòchafat mété konfyans li an Jéhova. (2 Kwonnikèl 20:9-12) I osi pwépawé nasyon-an andavans. I mété sòlda an tout vil Jouda èk i mété plizyè gwoup sòlda oliwon péyi-a. (2 Kwonnikèl 17:1, 2, 12, 13) Konsa, menm kon Jéhòchafat, nou ni pou mété konfyans nou an Jéhova, èk pwépawé pou lè bagay vini pli wèd an péyi nou.
GADÉ VIDIYO-A ÈS OU JA FÈ PWÉPAWASYON POU AN DÉZAS? ÈK APWÉ WÉPONN SÉ KÈSTYON SALA:
Kisa ou sa fè pou pwépawé pou yon dézas?
Kisa nou sa fè pou édé sé fwè èk sé nou-an avan, èk apwé yon dézas?