Wèsté Byen Pwépawé Diwan Dènyé “Dènyé Tan-an”

Nou an dènyé tan-an. Anfen, nou an bout “dènyé tan-an”. Konsa, nou sa èspéwé pli twaka. (2 Tim. 3:1; nwtsty-E not létid-la asou Maf. 24:8) Byen souvan, avan an dézas fèt, pèp Jéhova ka twapé enfòmasyon èk diwèksyon andavans ki sa sové lavi yo. Alò, pou nou wèsté sòv, I enpòtan pou nou pwépawé atjwèlman. Konsa, nou ni pou fè dé bagay.—Louk 16:10.

• Tjenn wilasyon’w épi Jéhova fò: Dévlopé an bon lakoutim. Apwann diféwan mannyè ou sa pwéché. Èk, si ou pa sa jwenn épi sé fwè èk sè-a an kongwigasyon-an, pa pè. (Izay. 30:15) Paski Jéhova èk Jézi toujou la épi nou. Nou pa janmen pa kò nou.—od-E 176 ¶15-17

• Pwépawé adan an mannyè fizikal: Chak moun an fanmi-an sipozé pwépawé an sak pou lè an dézas fèt. Osi, chak fanmi sipozé ni asé manjé, dlo, mèdsin èk lòt bagay si antouka yo ni pou wèsté an sèl plas pou an lonng tan.—Pwov. 22:3; g17.5-E 4, 6

GADÉ VIDÉYO-A ÈS OU JA FÈ PWÈPAWASYON POU AN DÉZAS?, ÈK APWÉ WÉPONN SÉ KÈSTYON SALA:

• 

  Koumannyè an bon wilasyon épi Jéhova sa édé nou lè an dézas fèt?

• 

  Pouki I enpòtan . . .

  • pou tjenn bon konminikasyon épi sé ansyen-an?

  • pou pwépawé an sak pou lè an dézas fèt?

  • pou diskité sé kalité dézas-la ki pé fèt èk ki sa nou sa fè an chak sitiwasyon?

• 

  An ki twa mannyè nou sa édé lézòt moun lè yo èspéyansé an dézas?

MANDÉ KÒ’W: ‘Lè I vini pou pwépawasyon, ki lison mwen sa apwann hòd COVID-19?’