Gad-la LAYBRI ASOU INTANNÈT-LA
Gad-la
LAYBRI ASOU INTANNÈT-LA
Kwéyòl (Patwa)
  • LABIB
  • PIBLIKASYON
  • MITIN
  • w22 Désanm
  • Nou Sa Viv Pou Tout Tan

No video available for this selection.

Sorry, there was an error loading the video.

  • Nou Sa Viv Pou Tout Tan
  • Gad-la Ki Ka Anonsé Wéyòm Jéhova (Étidyé)—2022
  • Ti Tit
  • JÉHOVA KA VIV POU TOUT TAN
  • JÉHOVA FÈ NOU POU VIV POU TOUT TAN
  • JÉHOVA P’ÒKÒ CHANJÉ DIVWA’Y
  • AN BÈL TAN KA VINI
Gad-la Ki Ka Anonsé Wéyòm Jéhova (Étidyé)—2022
w22 Désanm

SIJÉ POU LÉTID 49

Nou Sa Viv Pou Tout Tan

“Sé lè sala ou ka ba yo lavi étonnèl.”​—JAN 17:3.

CHANSON 147 Bondyé Pwonmèt Nou Lavi Étonnèl

SA NOU KAY DISKITÉ AN ATIK SALAa

1. Kisa Jéhova pwonmèt pou ban nou, èk ki bennéfis nou ka twapé lè nou mèdité asou pwonmèt sala?

JÉHOVA pwonmèt pou bay tout moun ki obéyi’y “lavi étonnèl.” (Ronm 6:23) Lè nou mèdité asou bèl pwonmèt sala Jéhova ka ofè nou, san dout, lanmityé nou pou li ka vini pli fò. Alò, sé pou nou toujou chonjé Jéhova, Papa nou ki an syèl, enmen nou an chay èk i pa kay janmen abandonnen nou.

2. Kisa ki kay édé nou tjébé fò anba tès?

2 Bondyé pwonmèt pou ban nou lavi étonnèl èk pwonmèt sala ka édé nou tjébé fò lè nou anba tès. Menm si lèlmi nou di yo kay tjwé nou, sa pa ka fè nou doubout sèvi Jéhova. Pouki? Sé paski nou sav si nou wèsté fidèl pou Jéhova, menm si nou mò, i kay wésisité nou épi i kay ban nou lavi étonnèl. (Jan 5:28, 29; 1 Kòr. 15:55-58; Hib. 2:15) Konsa, pouki nou asiwé i posib pou nou viv pou tout tan? Annou konsidiwé déotwa wézon.

JÉHOVA KA VIV POU TOUT TAN

3. Silon Sam 102:12, 24, 27, ki mannyè nou sav Jéhova kay sa tjenn nou vivan pou tout tan?

3 Sé Jéhova ki Sous lavi èk i pa sa janmen mò. Alò nou ni konfyans Jéhova sa tjenn nou vivan pou tout tan. (Sam 36:9) Ki mannyè nou sav sa? Sé paski sé lévanjil-la ka di nou Jéhova ka toujou ègzisté, èk i kay toujou la. Pou ègzanp, konsèné Jéhova Sam 90:2 di: ‘Ou té toujou Bondyé èk ou kay toujou Bondyé pou tout tan.’ Osi Sam 102 ka fè menm pwen-an. (Li Sam 102:12, 24, 27.) Pwofèt Habakòk osi ékwi konsèné Papa nou ki an syèl. I di: ‘Jéhova, ès ou pa la dépi tan lontan? Bondyé mwen, sé ou yonn ki Pli Sen, ou pa ka mò.’​—Hab. 1:12.

4. Ki mannyè nou sav Jéhova té toujou la? Bay yon ègzanp.

4 Ès ou ka twouvé’y difisil pou konpwann Jéhova té toujou la, èk i kay la ‘pou tout tan’? (Izay. 40:28) Ében sa pa dwòl. Ilayou, an sèvant Bondyé di: ‘Pyèsonn pa sa konté kantité lanné Bondyé ni.’ (Jòb 36:26) Konsa, menm si ou pa sa konpwann an bagay sa pa vlé di i pa ka ègzisté. Pou ègzanp, pitèt ou pa ka byen konpwann mannyè kouwan ka twavay, mé, ès sa vlé di kouwan pa ka ègzisté? Mé non! An menm mannyè-a, pitèt nou pa janmen fini konpwann ki mannyè Jéhova té toujou la èk ki mannyè i kay toujou la, mé sa pa vlé di Bondyé pa té ka toujou ègzisté. Konsa lavéwité-a konsèné Kwéyatè nou pa ka dépan asou sa nou sa konpwann ében asou sa nou pa sa konpwann. (Ronm 11:33-36) Avan Jéhova fè sòlèy-la, sé étwal-la, èk syèl-la, i té ka ègzisté. Épi nou osi ni asiwans-lan ki, ‘sé li ki sèvi pouvwa’y pou fè latè-a’. Wi, Jéhova té ka ègzisté avan i ‘hédi syèl-la’. (Jér. 51:15; Twav. 17:24) Bon, ki lòt wézon nou ni pou nou kwè i posib pou nou viv pou tout tan?

JÉHOVA FÈ NOU POU VIV POU TOUT TAN

5. Ki èspwa Adanm épi Èv té ni si yo té obéyi Jéhova?

5 Jéhova fè tout bagay asou latè-a pou viv pou an sèten tan. Sé sèlman lézòm Jéhova fè pou yo sa viv pou tout tan. Anfen i mété dézi-a pou viv pou tout tan an tjè lézòm. Kanmenm, Jéhova té vèti Adanm. I di’y: ‘Pa manjé fwi an pyé bwa nòlaj sa ki bon èk sa ki mové-a, paski jou-a ou manjé adan’y-lan ou kay sètèman mò.’ (Jen. 2:17) Sa sé koumandman-an Jéhova té bay Adanm épi Èv. Si yo té obéyi’y yo pa té kay janmen mò. I sété dézi Jéhova pou Adanm épi Èv viv pou tout tan. Alò, nou sa kwè, si yo té obéyi Jéhova, apwé an tan i té kay kité yo manjé fwi an ‘pyé bwa lavi-a’. Sa vlé di i té kay kité yo viv ‘pou tout tan’. b​—Jen. 3:22.

Kisa èspwèsyon-an “Pou Tout Tan” an Bib-la vlé di?

Mo pawòl-la yo ka sèvi pli souvan an langaj Hibrou pou èspwèsyon-an “pou tout tan” sé ʽoh·lamʹ. An Bib-la yo ka sèvi mo pawòl sala lè yo ka palé konsèné an bagay ki té ka ègzisté dépi tan lontan ében an bagay ki kay la pou an chay tan, san yo mansyonnen ki lè i koumansé ében ki lè i kay fini. (Jòch. 24:2; Sam 24:7, 9) Yo ka osi sèvi mo pawòl sala pou palé konsèné an bagay ki pa kay janmen fini. Sé an sans sala nou sa di Jéhova la pou tout tan. (Sam 102:12, 24, 27) Pou mo pawòl Hibrou sala Bib-la New World Translation ka sèvi èspwèsyon tèl kon ‘pou tout tan’, ‘ka diwé’, ‘étonnèl’ ében ‘dépi tan lontan’. Mo pawòl-la yo sèvi ka dépan asou sa yo ka diskité an chapit-la.

6-7. (a) Ki mannyè nou sav Jéhova pa té fè lézòm pou yo mò? (b) Kisa ou vlé fè an pawadi-a? (Gadé sé pòtwé-a.)

6 Ès ou pa ka twouvé’y byen antéwésan pou konnèt siyantis ja twapé pwèv ki, sèvèl nou ni kapasité-a pou tjébé twòp pli enfòmasyon pasé sa nou sa apwann diwan lavi nou? An lanné dé mil dis (2010), yon atik an jounal-la Scientific American Mind di, si an moun gadé télévizyon pou apipwé twa milyon (3,000,000) nèditan, ében pou twa san (300) lanné, sèvèl li ni kapasité-a pou tjébé tout enfòmasyon sala. Mé i osi posib pou sèvèl nou tjébé otan pli enfòmasyon pasé sa. Alò enfòmasyon sala ka moutwé, Jéhova ban nou an sèvèl ki ni kapasité-a pou tjébé an chay pli enfòmasyon pasé nou sa mété andidan’y diwan swasant dis, (70) ében katwiven (80) lanné-a nou ka viv asou latè-a.​—Sam 90:10.

7 Jéhova fè nou épi dézi-a pou viv pou tout tan. Lè’y vini pou lézòm Bib-la di, Bondyé ‘mété dézi-a pou viv pou tout tan an tjè lézòm’. (Éklé. 3:11) Sa sé yonn an sé wézon-an nou ka wè lanmò kon an lèlmi. (1 Kòr. 15:26) Pou ègzanp, si nou byen malad, ès nou kay senpléman wété lakay nou èk èspéyé lanmò? Mé non kouman! Pito nou fè sa, nou kay alé wè an dòktè épi nou kay pwan wimèd pou goumen kont maladi sala. Anfen, nou kay fè tout sa nou pé pou nou pa mò. Èk osi, lè an moun nou enmen mò, ki moun sala té jenn, ében ki i té an laj, ès nou pa ka santi kò nou distwé an chay? Èk ès sa pa ka kasé tjè nou? (Jan 11:32, 33) Vwéman, sé pou nou chonjé, Kwéyatè nou pa té kay ban nou kapasité-a èk dézi-a pou kontiné viv pou tout tan si sa pa té divwa’y. Asiwé, i kay fè’y posib pou nou viv pou tout tan! Mé nou ni pli wézon pou kwè nou kay viv pou tout tan. Alò annou diskité kisa Jéhova ja fè an tan pasé, èk kisa i ka fè apwézan, ki ka bay pwèv i p’òkò chanjé divwa’y.

Sé Pòtwé-a: An older brother sitting at a table with many medications on it, liing the Bible and reflecting on the things he will be able to do with renewed vigor in the new world. 1. He is sailing. 2. He paints on a canvas. 3. He hikes by a waterfall.

Nou ni èspwa-a pou viv pou tout tan, konsa i sé an plézi pou nou imajiné sé bagay-la nou kay sa fè an tan pou vini (Gadé pawagwaf 7)c

JÉHOVA P’ÒKÒ CHANJÉ DIVWA’Y

8. Kisa ki divwa Jéhova pou lézòm, èk ki asiwans Jéhova ban nou an Izaya 55:11?

8 Magwé Adanm épi Èv péché èk mennen lanmò asou désandan yo, Jéhova pa té chanjé lidé’y konsèné divwa’y pou lézòm. (Li Izaya 55:11.) Wi, Bondyé kay bay tout moun ki wèsté fidèl pou li lavi étonnèl. Nou sav sa pou lapéti tout sa Jéhova ja di èk tout sa i ja fè pou akonpli divwa’y.

9. Kisa Jéhova pwonmèt pou fè bay moun ki mò fidèl? (Dannyèl 12:2, 13)

9 Jéhova ja pwonmèt i kay wésisité moun ki mò épi i kay ba yo òpòtyounité-a pou viv pou tout tan. (Twav. 24:15; Titòs 1:1, 2) Nonm fidèl-la Jòb té asiwé Jéhova vwéman vlé wésisité moun ki mò. (Jòb 14:14, 15) Pwofèt Dannyèl té sav, moun kay wésisité èk yo kay ni òpòtyounité-a pou viv pou tout tan. (Sam 37:29; li Dannyèl 12:2, 13.) Osi, sé Jwif-la an tan Jézi té sav Jéhova kay bay sèvant fidèl li “lavi étonnèl”. (Louk 10:25; 18:18) Jézi menm té mansyonnen pwonmèt sala plizyè fwa, èk lè’y mò, Papa’y Jéhova té wésisité’y.​—Maf. 19:29; 22:31, 32; Louk 18:30; Jan 11:25.

The widow of Zarephath joyfully receiving her resurrected son from the prophet Elijah.

Pwofèt Ilaydja té wésisité gason an vèv. Ki asiwans sa ka ba’w? (Gadé pawagwaf 10)

10. Kisa sé wézèwèksyon-an ki té fèt an tan pasé ka moutwé konsèné Jéhova? (Gadé pòtwé-a.)

10 Sé Jéhova ki Sous lavi, èk i ni pouvwa-a pou wésisité moun. Pou ègzanp, Jéhova bay pwofèt Ilaydja pouvwa-a pou wésisité gason an vèv ki sòti an vil Zarapat. (1 Wa 17:21-23) Pli ta, épi èd Jéhova, pwofèt Ilaycha té sa wésisité gason an madanm an vil Chounenm. (2 Wa 4:18-20, 34-37) Sé wézèwèksyon sala épi lòt wézèwèksyon, ka moutwé Jéhova ni pouvwa-a pou wésisité lé mò. Osi, paditan Jézi té asou latè-a i wésisité lé mò. Èk sé Papa’y ki té ba li pouvwa-a pou fè sa. (Jan 11:23-25, 43, 44) Bon, apwézan Jézi an syèl, èk Bondyé ja ba’y “tout pouvwa asou tout sa ki an syèl épi [tout] sa ki asou latè-a”. Konsa Jézi ni pouvwa-a pou wésisité “tout moun ki mò”, èk yo kay ni èspwa-a pou viv pou tout tan.​—Maf. 28:18; Jan 5:25-29.

11. Kisa Jéhova fè pou nou sa twapé lavi étonnèl?

11 Pouki Jéhova kité Gason’y-lan i enmen-an èspéyansé an lanmò ki té tèlman téwib? Jézi bay wézon-an lè’y di: “Bondyé té tèlman enmen sé jan latè-a, i bay sèl Gasonʼy-lan pou yo. Tout moun ki kwè an li pa kay pèd lavi yo, mé yo kay ni lavi étonnèl.” (Jan 3:16) Alò lè Jéhova bay Gason’y kon an wanson pou kouvè péché nou, i fè’y posib pou nou tout twapé lavi étonnèl. (Maf. 20:28) Èvèk zapòt Pòl palé konsèné divwa Bondyé. I ékwi: “Kon sé an nonm ki mennen lanmò, menm mannyè-a sé an nonm osi ki mennen wézèwèksyon hòd lanmò. Menm kon an Adanm tout ka mò, sé kon sa an Jézi tout ka jwenn lavi.”​—1 Kòr. 15:21, 22.

12. Kisa Jéhova ja fè pou akonpli divwa’y pou lézòm?

12 Jézi enstwi sé disip li-a pou pwédyé pou Wéyòm Bondyé vini, épi pou divwa’y fèt asou latè-a. (Maf. 6:9, 10) Yonn an sé bagay-la Bondyé vlé pou lézòm sé pou yo viv pou tout tan asou latè-a. Konsa pou akonpli sa, Jéhova ja apwenté Gason’y kon Wa an Wéyòm li. Épi Jéhova ja pwan yon san kawant kat mil (144,000) moun an latè-a pou twavay épi Jézi pou akonpli divwa’y.​—Wév. 5:9, 10.

13. (a) Kisa Jéhova ka fè apwézan? (b) Kisa ou sipozé fè si ou vlé anpanmi gwan popilas-la?

13 Apwézan Jéhova ka sanblé “an gwan popilas moun” èk i ka enstwi yo mannyè pou viv anba Wéyòm li. (Wév. 7:9, 10; Jémz 2:8) Menm si plizyè moun an latè-a pa ni lilyon pou lapéti hayisans èk ladjè, sé moun-lan ki an gwan popilas sala ka twavay wèd pou pa adòpté sé vyé atitid sala. (Mayk. 4:3) Alò pito yo goumen ladjè, gwan popilas sala ka enstwi lézòt konsèné Dyé vwé-a èk divwa’y. An mannyè sala yo ka édé moun pou twapé lavi étonnèl. (1 Tim. 6:19) Magwé manm fanmi yo pé tounen kont yo, ében yo pé pèd twavay yo pou lapéti sipò-a yo ka bay Wéyòm Bondyé, Jéhova ka fè asiwé yo ni sa yo bizwen. (Maf. 6:25, 30-33; Louk 18:29, 30) Alò sa ka fè nou wè Wéyòm Bondyé wéyèl, èk i kay kontiné akonpli divwa Bondyé pou latè-a.

AN BÈL TAN KA VINI

14-15. Ki tan Jéhova kay tiwé lanmò konplètman?

14 Apwézan Jézi ja ka kondwi kon Wa an syèl, épi i kay akonpli tout sé pwonmèt-la Jéhova ja fè-a. (2 Kòr. 1:20) Alò dépi lanné mil nèf san katòz (1914), Jézi ja ka kondwi anpanmi sé lèlmi’y-lan. (Sam 110:1, 2) Anfen touswit, Jézi épi sé sa ki kay kondwi épi’y-la kay détwi tout moun ki mové konplètman.​—Wév. 6:2.

15 Diwan Mil (1,000) Lanné Kondwit Jézi, i kay wésisité moun ki mò, èk édé tout moun ki ka obéyi Jéhova vini pawfé. An bout mil (1,000) lanné-a, “sé moun-an ki dwèt-la kay éwityé tè-a Bondyé té pwonmèt yo-a, èk yo kay viv adanʼy pou tout tan”. (Sam 37:10, 11, 29) Ah, pa dé kontan nou kay kontan lè Bondyé ‘détwi dènyé [lèlmi-an], lanmò’. A lè sala la pa kay ni lanmò ankò.​—1 Kòr. 15:26.

16. Kisa ki sipozé pli gwo wézon-an pouki nou ka sèvi Jéhova?

16 Kon nou ja wè an atik sala, èspwa nou pou viv pou tout tan bazé asou Pawòl Bondyé. Èspwa sala sa édé nou wèsté fidèl kon nou ka aji épi difikilté diwan sé dènyé jou sala. Nou pa vlé sèlman wèsté fidèl pou Jéhova paski i kay ban nou lavi étonnèl. Mé pli gwo wézon-an nou vlé wèsté fidèl pou Jéhova èk Jézi, sé paski nou enmen yo an chay. (2 Kòr. 5:14, 15) Lanmityé sala ka motivé nou pou imité yo, épi pou patajé èspwa-a nou ni épi lòt moun. (Ronm 10:13-15) Lè nou apwann pou sépawé sa nou ni épi lézòt èk pa gadé pou lantéwé nou sèlman, sé lè sala nou kay vini kalité moun-lan Jéhova vlé nou yé, èk i kay vlé nou pou jan’y pou tout tan.​—Hib. 13:16.

17. Ki wèskonsabilité nou chak ni? (Mafyou 7:13, 14)

17 Jéhova ja ban nou òpòtyounité-a pou nou sa twapé lavi étonnèl. Mé nou chak ni wèskonsabilité-a pou wèsté asou chimen-an ki kay ban nou lavi étonnèl. (Li Mafyou 7:13, 14.) Mé kwèsyon-an sé sa: Ès nou kay anpanmi sé moun-lan ki kay twapé lavi étonnèl? Nou tout té kay avoudwé asou chimen sala pou nou sa viv pou tout tan. Mé ki mannyè lavi kay yé lè nou kay sa viv pou tout tan? Nou kay wéponn kwèsyon sala an lòt atik-la.

KI MANNYÈ OU TÉ KAY WÉPONN?

  • Ki mannyè nou sav Jéhova pa té fè lézòm pou yo mò?

  • Ki mannyè nou sav divwa Jéhova pou lézòm p’òkò chanjé?

  • Kisa ki pli gwo wézon-an pouki nou vlé viv pou tout tan?

CHANSON 141 Lavi Sé An Miwak

a Ès ou ka gadé pou jou-a lè’w kay sa viv pou tout tan? Jéhova pwonmèt nou, yon jou nou kay sa viv pou tout tan san nou mò. Konsa an atik sala nou kay wè sé wézon-an pouki nou sa ni tout konfyans Jéhova kay vwéman akonpli pwonmèt li.

b Gadé bwèt-la “Kisa èspwèsyon-an “Pou Tout Tan” an Bib-la vlé di?.”

c SA PÒTWÉ-A KA MOUTWÉ: An fwè ki an laj ka imajiné adan sé bèl bagay-la i kay sa fè an pawadi.

    Saint Lucian Creole Publications (2012-2025)
    Sòti
    Antwé
    • Kwéyòl (Patwa)
    • Share
    • Pwéféwans
    • Copyright © 2025 Watch Tower Bible and Tract Society of Pennsylvania
    • Kondisyon-an pou sèvi wèbsayt sala
    • Wèg pou ènfòmasyon pwivé
    • Privacy Settings
    • JW.ORG
    • Antwé
    Share