Ou Ni Pou Konnèt Bondyé

Pou fè jan épi Bondyé, I nésésè pou’w apwann konsèné’y. Ès si sé jan’w-lan konnèt non’w èvèk ka sèvi’y? Mé wi. Bondyé vlé ou konnèt non’y èvèk kwiyé’y pa non’y osi. Non Bondyé sé Jehovah. (Sam 83:18; Mafyou 6:9) Ou osi ni pou apwann sa’y enmen èvèk sa’y pa enmen. Ou ni pou konnèt ki konpanni moun ki jan Bondyé èvèk ki konpanni ki lèlmi’y. I ka pwan tan pou’w vini konnèt an moun. Bib-la di I savan pou’w fè tan pou apwann konsèné Jehovah.—Èfésòs 5:15, 16.

Jan Bondyé ka fè sa ki ka plè’y. Katjilé asou sé jan’w-lan. Si ou mal twété yo èvèk fè bagay yo hayi, ès si yo kay kontiné kon jan’w? Mé non! Menm mannyè-a, si ou vlé fè jan épi Bondyé, I nésésè pou’w fè sa ki ka plè’y.—Jan 4:24.

Pa tout wilizyon ki ka djidé’w pou fè jan épi Bondyé. Jézi, ki pli bon jan Bondyé, palé di dé chimen. Yonn an sé chimen-an gwan èvèk I plen moun. Chimen sala ka djidé’w pou distwòksyon. Lòt chimen-an étwèt èvèk I ni byen pé moun ka voyajé asou’y. Chimen sala ka djidé’w pou lavi étonnèl. Sa vlé di, si ou vlé Bondyé pou jan’w, ou ni pou apwann mannyè-a ki dwèt-la pou adowé’y.—Mafyou 7:13, 14.