Gwo Déliz-la—Kilès Ki Kouté? Kilès Ki Pa Kouté?

Majòwité di moun an tan Nowa té ka fè sa ki mové. Jennésis 6:5

Adanm épi Èv fè ich, èk latè-a vini plen épi moun. Apwé an tan, déotwa nanj vini ansanm épi Satan an wébèlyon’y.

Yo vini asou latè èk mété lachè kon lézòm pou yo té sa mayé fanm. Sé madanm sala fè gason ki té èstòdinè an gòsè. Yo té bwital èk plen kouway.

Latè-a vini plen épi moun ki fè mové bagay. Bib-la di ki “lézòm fè an chay movèzté an latè-a épi tout antansyon tjè yo té mové a tout lè.”

Nowa kouté Bondyé èk bati an ak. Jennésis 6:​13, 14, 18, 19, 22

Nowa sété an bon nonm. Jéhova di Nowa I té kay voyé an gwo déliz pou détwi sé moun méchan-an.

Bondyé di Nowa pou bati an gwo batiman, yo kwiyé an ak, èvèk mennen fanmi’y èk tout sòt kalité zannimo andidan’y.

Nowa vèti moun konsèné Déliz-la ki té ka vini-an, mé yo pa té kouté. Adan yo wi Nowa; lézòt té hayi’y.

Lè ak-la té fini, Nowa mennen sé zannimo-a andidan’y.