MANNYÈ POU KOUMANSÉ AN KONMÉZASYON
LISON 3
Moutwé Jantiyès An Pawòl Ou Èk An Aksyon’w
Pwensip-la: “Lanmityé . . . ni bon mannyè.”—1 Kòrint 13:4.
Mannyè Jézi Té Moutwé Jantiyès
1. Gadé VIDIYO-A, Jézi Djéwi An Nonm Ki Avèg ében li ében kouté Jan 9:1-7. Èk apwé nou kay kozé asou dé (2) kwèsyon:
Kilès an sé dé (2) bagay sala Jézi té fè pwèmyé: Djéwi nonm avèg-la ében palé épi’y konsèné bon nouvèl-la?—Gadé Jan 9:35-38.
Pouki nonm-lan té vlé kouté Jézi?
Kisa Nou Apwann Hòd Ègzanp Jézi?
2. I kay pli ézé pou moun kouté bon nouvèl-la lè yo wè nou vwéman mélé épi yo.
Swiv Ègzanp Jézi
3. Moutwé moun-lan konpasyon. Mété kò’w an plas moun-lan.
Mandé kò’w: ‘Kisa ki ka twakasé’y? An ki mannyè mwen sa édé’y? Ès la ni an bagay mwen sa di ében fè pou ankouwajé’y?’ I bon pou mandé kò’w kwèsyon kon sa, paski sa kay édé’w moutwé moun-lan jantiyès ofon tjè’w.
Kouté moun-lan. Èk sa sé paski lè ou kouté moun-lan, ou ka moutwé ou vwéman mélé épi sa ki enpòtan pou li. Pou ègzanp, si moun-lan vlé palé konsèné sa ki ka twakasé’y, ében mannyè-a i ka santi konsèné on sèten bagay, pa chanjé sijé-a.
4. Palé épi moun-lan épi wèspé èk jantiyès. Lè ou ni konpasyon pou moun-lan èk ou vwéman vlé édé’y, moun-lan kay wè sa a klè an mannyè-a ou ka palé épi’y. Konsa, lè ou ka palé épi moun-lan pwan pwokosyon an sa ou ka di’y, èk an mannyè-a ou ka palé épi’y. Èk pa di bagay pou ofwansé’y.
5. Sé pou ou toujou pawé pou édé. Toujou gadé pou diféwan bagay ou sa fè pou édé moun-lan. Èk sa sé paski lè ou moutwé moun-lan jantiyès sa kay fè’y pli ézé pou moun-lan palé épi’w.