Fè Tout Sa’w Pé Pou Édé Moun Vini Disip Jézi

Jézi Té Fè Tout Sa’y Pé Pou Enstwi Moun

VIDIYO: Jézi Enstwi Nikodimòs

1. Gadé VIDIYO-A, Jézi Enstwi Nikodimòs ében li ében kouté Jan 3:​1, 2. Èk apwé nou kay kozé asou dé (2) kèstyon:

1. Silon Jan 12:​42, 43, pouki ou kwè Nikodimòs té vin’ wè Jézi òswè?

2. Yon swè Jézi té kozé épi Nikodimòs. Ki mannyè sa ka moutwé Jézi té ka fè tout sa’y pé pou édé moun vini disip li?

Kisa Nou Apwann Hòd Ègzanp Jézi?

2. Nou ka fè tout sa nou pé pou édé moun vini disip Jézi, paski nou enmen yo.

Swiv Ègzanp Jézi

3. Étidyé Bib-la lè-a èk plas-la ki pli mèyè pou étidyan Bib ou. Étidyan Bib ou pé vlé étidyé asou on sèten jou, ében on sèten lè an simenn-lan. Èk i pé simyé fè létid-la adan on sèten plas, tèl kon, plas twavay li, kay li, ében on lòt koté. Konsa, si’y posib, nou ni pou fè tout sa nou pé pou étidyé Bib-la lè-a èk plas-la ki pli mèyè pou’y.

4. Étidyé chak simenn. Si’w pa sa fè létid-la jou-a èk lè-a zòt akoutimé fè’y, la ni diféwan bagay ou sa fè. Pou ègzanp:

1. Ou sa fè létid-la on lòt jou ében on lòt lè an simenn-lan.

2. Ou sa fè létid-la asou téléfòn-lan ében asou intannèt-la.

3. Ou sa mandé on lòt pwoklanmatè pou fè létid-la ba ou.

5. Mandé Jéhova pou édé’w tjenn on bon atitid. Si étidyan Bib ou ka mantjé létid-la délè, ében i difisil pou’y apliké sa’y ka apwann, kisa ou sa fè? Ében, ou sa mandé Jéhova pou édé’w fè tout sa ou pé pou édé’y. (Filipay 2:13) Osi, i bon pou tjenn an lidé, étidyan Bib ou ni bon kawaktè. Konsa mandé Jéhova pou édé’w fiksé asou sé bon kawaktè sala.