APWANN ENSTWI PLI BYEN | OU SA NI PLI DJÈWTÉ LÈ OU KA PWÉCHÉ
Aksèpté Èd Hòd Lòt Fwè Èk Sè
Jéhova ja ban nou fwè èk sè owon latè-a pou ban nou èd. (1 Pita 5:9) Yo sa édé nou pou éwisi lè nou èspéyansé difikilté an minis-la. Pou ègzanp, zapòt Pòl té twapé èd hòd Akwila épi Prisilya, Saylas, Timòfi, èvèk lézòt fwè èk sè.—Twav. 18:1-5.
Ki mannyè lézòt fwè èk sè sa édé’w an minis-la? Yo sa ba ou sijèsyon asou mannyè ou sa ganyen a bout òbdjèksyon ou pé twapé an minis-la, ében mannyè ou sa witounen asou moun ou té ja kozé épi. Osi, yo sa édé’w wè mannyè ou sa ofè moun an létid Bib ében mannyè ou sa fè an létid Bib. Katjilé asou ki moun an kongwigasyon’w ki sa ba ou èd-la ou bizwen-an, èk apwé mandé moun-lan pou asisté’w. San dout, zòt toulédé kay twapé bennéfis èk zòt kay édé yonn a lòt èspéyansé pli djèwté an minis-la.—Filip. 1:25.
GADÉ VIDIYO-A ÈSPÉYANSÉ LAJWA KON OU KA FÈ DISIP—AKSÈPTÉ ÈD JÉHOVA—SÉ FWÈ NOU-AN, ÈK APWÉ WÉPONN SÉ KÈSTYON SALA:
Ki mannyè Neeta té éséyé pou ankouwajé Jade pou atandé mitin?
Pouki nou sipozé mandé lòt pwoklanmatè pou vini asou létid Bib nou?
Nou tout an kongwigasyon-an sa édé an moun vini an disip Jézi
Kisa Jade èk Abigay té antéwésé adan?
Ki mannyè sé fwè èk sè-a sa édé’w fè pli mèyè lè’w ka péché?