LAVI NOU KON KWITYEN
Gadé Kòʼw Mannyè-a Jéhova Ka Gadéʼw
Lévanjil-la an Sam 149:4 di: ‘Jéhova ka pwan plézi an pèp li.ʼ Konsa, magwé nou pa pawfé, Jéhova ka wè bon kawaktè nou èk sé bagay-la nou ni abilité-a pou fè. Mé, i pé difisil pou nou wè bon kawaktè nou èk nou pé jis santi nou pa vo anyen a kòz di mannyè-a lézòt ka twété nou. Osi, si nou ka toujou fiksé asou sé lèwè-a nou té fè an tan pasé, nou pé santi Jéhova pa enmen nou. Alò, kisa ki sa édé nou lè nou ka santi kon sa?
Magwé nou pé débat épi santiman kon sa, nou ni pou chonjé, mannyè-a Jéhova ka gadé bagay diféwan épi mannyè-a lézòm ka gadé bagay. (1 Sanmyèl 16:7) Sa vlé di, Jéhova ka wè pli bon an nou pasé nou menm ka wè an kò nou. Èk Bib-la sa édé nou konpwann mannyè-a Jéhova ka gadé nou. Alò, lè nou li Bib-la nou ka wè ki mizi enmen Jéhova enmen sèvant li.
GADÉ VIDIYO-A NI ASIWANS-LAN JÉHOVA ENMENʼW, ÈK APWÉ WÉPONN SÉ KÈSTYON SALA:
An vidiyo-a, kisa ègzanp-lan konsèné jenn nonm-lan èk papaʼy ka enstwi nou konsèné mannyè-a Jéhova ka gadé nou?
Si an moun fè an péché ki gwav, èk i fè sa ki nésésè pou wanjé wilasyonʼy épi Jéhova, kisa i sa fè pou ni asiwans-lan Jéhova enmenʼy?—1 Jan 3:19, 20
Lè fwè-a li èk mèdité asou wakont Wa David èk wakont Wa Jéhòchafat, ki mannyè sa té édéʼy?