Wézon Nou Sa Ni Èspwa An 2023—Ki Sa Bib-la Ka Di?

Kon lanné 2023 ja koumansé, nou tout vlé sa ki bon pou kò nou èk pou fanmi nou. Pouki nou ni wézon pou kwè sa nou vlé-a kay fèt?

Pawòl Bondyé ka ban nou èspwa

Bib-la ka ban nou bon nouvèl. I ka di nou touswit Bondyé kay éfasi tout pwòblenm nou. Anfen, Ronm 15:4 di Bib-la “té ékwi pou enstwi nou. I ka ankouwajé nou. . . kon sa nou pé ni èspwa.”

• Si ou vlé apwann pli asou sa Bib-la pwonmèt, li atik-la “A Real Hope for a Better Tomorrow.”

Èspwa sala sa édé nou dépi apwézan

Hibrou 6:19 di èspwa nou menm kon “tjò fè-a batiman-an ka ladjé désann ofon lanmè-a [pou] tjenbé batiman-an.” Èspwa sala ka édé nou wèsté fèm. Ki mannyè i ka fè sa? Ében, èspwa sala ka édé nou tjenbé fò, i ka édé nou pou pa pèd èspwa magwé nou ni pwòblenm, èk i ka ban nou asiwans nou kay ni lakontantman èk djèwté pou tout tan. Pa ègzanp:

• Pou apwann mannyè èspwa sala édé yon nonm ki té ka lité épi an mové labitid, gadé vidiyo-a: Mwen Té Las Épi Lavi-a Mwen Té Ka Viv-la.

• Pou wè mannyè èspwa sala sa édé nou lè an moun nou enmen mò, gadé vidiyo-a: Konsolasyon Pou Moun Ki An Lapenn.

Mannyè nou sa fè èspwa nou pli fò

Tout moun vlé an bon lavi pou kò yo èk fanmi yo. Mé sa pa vlé di yo asiwé sa kay fèt. Kanmenm, sé pwonmèt-la ki an Bib-la diféwan. Pouki? Paski sé Dyé Jéhova ki fè sé pwonmèt sala èk Titòs 1:2 di nou: “Bondyé pa ka manti.” Sé Jéhova tousèl ki ni pouvwa-a pou tjenn tout pwonmèt i fè. Anfen, Sam 135:5, 6 di nou: “Jéhova ka fè tout sa ki ka plèʼy.”

Lanné 2023 sa pòté bon bagay pou ou. Alò, nou ka ankouwajéʼw pou pwan tan pou ègzanminé Bib-la pou kòʼw. (Twavay 17:11) Lè ou fè sa, sa kay édéʼw ni pli konfyans an sa Bib-la pwonmèt. Témwen Jéhova té kay kontan édéʼw konnèt sa ki an Bib-la. Èk ou pa ni pou péyé yo pou sa.