Sèvi Sé Trak-la Pou Palé Épi Moun

Dépi Janvyé 2018, kouvèti Ti Liv Mitin Nou ni ègzanp anba Sa Ou Pé Di nou sa sèvi. Nou twapé ankouwajman pou palé épi moun pito nou djòs bay yo piblikasyon. Pou édé sé pwoklanmatè-a kontiné fè sa, sé vidiyo-a ki ni ègzanp Sa Ou Pé Di ka moutwé mannyè nou sa palé épi moun épi Bib-la tousèl. Kanmenm, ès sa vlé di nou pa sipozé sèvi piblikasyon nou lè nou ka pwéché kay an kay? Mé non! Pou ègzanp, nou sa sèvi sé trak-la pou koumansé palé épi moun. Nou sa fè kat sé bagay sala lè nou ka sèvi népòt adan sé trak-la:

1. Mandé kwèsyon-an ki asou kouvèti trak-la.

2. Moutwé yo wépons-lan an Bib-la ki anho paj dé. Si yo ni tan, li èk diskité pli enfòmasyon andidan trak-la.

3. Bay jan kay-la trak-la, èk ankouwajé’y pou li’y.

4. Avan ou kité, moutwé yo kwèsyon-an anba “Katjilé Asou Sa” èk fè awanjman pou diskité wépons-lan an Bib-la lòt kou-a.

Lè ou viwé, diskité wépons-lan èk apwé kité an lòt kwèsyon zòt kay diskité lòt kou-a. Ou pé chwazi an kwèsyon hòd wèbsayt nou-an ében hòd piblikasyon-an ki dèyè trak-la. A lè-a ou kwè ki bon, moutwé yo ti liv-la Bon Nouvèl-la Bondyé Bay! ében an lòt piblikasyon ki an Zouti Pou Fè Disip.