LISON 9
Ki Tan Pawadi Kay Vini?
Twaka asou latè-a ka bay pwèv ki Wéyòm Bondyé kay pwan aksyon touswit. Louk 21:10, 11; 2 Timòfi 3:1-5
Bib-la té ja pwédi an chay sé bagay-la ki ka fèt an tan jòdi. I di moun té kay enmen lajan, yo té kay dézobéyi pawan yo, yo té kay bwital, èk yo té kay enmen plézi.
La té kay ni gwo twanblanntè, ladjè, lafen, èk maladi toupatou. Sé bagay sala ka fèt apwézan.
Osi, Jézi di bon nouvèl-la konsèné Wéyòm-lan té kay pwéché an tout latè-a.—Mafyou 24:14.
Wéyòm-lan kay tiwé tout movèzté. 2 Pita 3:13
Touswit Jéhova kay détwi tout moun ki méchan.
Satan épi sé vyé lèspwi-a kay jwenn pinisyon yo.
Moun ki kouté Bondyé kay sové pou viv adan an latè nèf ki ni jistis, koté la pa kay ni pèwèz ankò, an latè koté moun kay konfyé épi kontan yonn a lòt.