Ki mannyè bagay kay yé an tan ki ka vini?

MI SA BIB-LA DI

“Bondyé . . . kay swiyé tout dlo ki an zyé yo. La pa kay ni lanmò ankò. La pa kay ni lapenn ében pléwé ében soufwans ankò, paski tout sé vyé bagay sala ja dispawèt.”—Wévélasyon 21:​3, 4, Tèstèman Nèf-la.

SÉ BENNÉFIS-LA OU KAY TWAPÉ

Bondyé kay wè ki tout moun twouvé jistis.—Twavay 10:​34, 35.

La pa kay ni pyès kalité maladi ében soufwans ankò.—1 Kòrint 15:26; Mafyou 11:5.

Ou, fanmi’w èk jan’w kay viv pou tout tan an lakontantman.—Sam 37:​11, 29.

POUKI NOU SA KWÈ SA?

Paski Bib-la di:

• Bondyé ni pouvwa pou fè népòt sa I pwonmèt. Bib-la di sé Jéhova yonn ki ni “tout pouvwa.” (Wévélasyon 15:3) Alò, la pa ni anyen ki sa anpéché’y tjenn pwonmèt li pou tiwé tout pwòblenm nou. Sé pou sa Bib-la di, “pou Bondyé tout bagay posib.”—Mafyou 19:26.

• Bondyé vwéman vlé wanjé kondisyon latè. Bib-la di Jéhova kay wésisité lé mò.—Twavay 24:15.

  Bib-la osi di, Jézi té djéwi moun ki té malad. Pouki I té fè sa? Paski I té vlé fè’y. (Mak 1:40, 41) Menm kon Papa’y, sété déziʼy pou édé moun ki té bizwen sipò.—Jan 5:19.

  Kon sa, nou sa ni konfyans Jéhova èk Jézi vlé nou ni an bon lavi an tan ki ka vini!—Sam 37:3, 4; 2 Pita 3:9.