Palé Dous Èk Moutwé Konpasyon

1 Tèsalonnika 2:7, 8

WÉZIMÉ: Palé adan an mannyè ki sensè, èk moutwé moun ki ka kouté’w ou mélé épi yo.

MANNYÈ POU FÈ’Y:

• Katjilé konsèné moun ki ka kouté’w. Si ou chonjé sé pwòblenm-lan moun ka débat épi, sa sa édé’w pwépawé tjè’w. Éséyé pou imajiné mannyè moun ka santi.

• Byen chwazi mo pawòl ou. Éséyé pou wéfwéchi, konfòté èk ankouwajé moun ki ka kouté’w. Pa sèvi èspwèsyon ki ka ofwansé moun. Pa palé négatif konsèné moun ki pa ka kwè ni an Jéhova ni an Bib-la. Èk osi, pa palé négatif konsèné sa yo ka kwè adan.

• Moutwé lantéwé an moun ki ka kouté’w. Ou ka moutwé moun ki ka kouté’w ou vwéman mélé épi yo, lè ou palé épi an vwa ki janti èk ou sèvi sin ki apwopwiyab. Toujou ni an bèl ti èspwèsyon asou fidji’w èk souwi souvan.