LISON 13

Moutwé Moun Bennéfis Yo Sa Twapé

Pwovèb 3:21

WÉZIMÉ: Édé moun pou wè ki mannyè enfòmasyon-an sa édé yo, èk moutwé yo ki sa pou fè épi sa yo apwann.

Katjilé konsèné moun ki ka kouté’w. Katjilé asou wézon-an moun ki ka kouté’w bizwen enfòmasyon sala. Osi, katjilé asou ki sijé èben ki lévanjil ki sa vwéman édé yo.
Diwan pwézantasyon’w moutwé moun ki ka kouté’w sa pou fè. Dépi an koumansman pwézantasyon’w, chak moun sipozé wéyalizé, ‘Sa sé kéchòy ki kay édé mwen.’ Kon ou ka dévlopé chak gwo pwen, fè moun wè mannyè yo sa apliké’y. Palé adan an mannyè ki klè èk spèsifik.

Moutwé moun mannyè yo sa apliké pwensip ki an Bib-la. Toujou fè sa épi lanmityé, èk adan an mannyè ki ka moutwé moun ou ka konpwann mannyè yo ka santi. Pwan pwokosyon pou pa fè moun santi koupab. Pito sa, éséyé pou fòtifyé lanmityé moun èk lafwa yo. Èk moutwé yo, ou ni konfyans yo kay fè sa ki dwèt, paski yo enmen Jéhova èk yo vlé plè’y.