LISON 20

Fini Pwézantasyon’w Byen

Ékléziyastis 12:13, 14

WÉZIMÉ: An dènyé ti pawòl ou, ankouwajé moun ki ka kouté’w pou aksèpté sa yo té apwann èk pou apliké’y.

Konnèk dènyé ti pawòl ou épi sijé’w. An bout pwézantasyon’w, wépété sé pwen-an ki pli enpòtan-an èk tit sijé-a.
Motivé sé moun-lan ki ka kouté’w. Moutwé moun ki sa pou fè, èk pouki I enpòtan pou yo fè’y. Palé adan an mannyè ki ka moutwé ou ka vwéman kwè sa ou ka di enpòtan.
Tjenn finisman pwézantasyon’w senp èk kout. Pa entwodwi lòt gwo pwen an finisman pwézantasyon’w. Épi déotwa mo pawòl, ankouwajé moun ki ka kouté’w pou pwan aksyon.

Pa fini pwézantasyon’w adan an mannyè ki pwésé èk pa bésé vwa’w twòp, jik tan moun pa sa tann ou. Di dènyé pawòl ou adan an mannyè pou fè moun sav ou fini pwézantasyon’w.