Ès soufwans kay janmen bout?

MI SA BIB-LA DI

“Bondyé . . . kay swiyé tout dlo ki an zyé yo. La pa kay ni lanmò ankò. La pa kay ni lapenn ében pléwé ében soufwans ankò.”—Wévélasyon 21:3, 4, Tèstèman Nèf-la.

SÉ BENNÉFIS-LA OU KAY TWAPÉ

Ou kay ni asiwans sé pa Bondyé ki ka fè nou soufè.—Jémz 1:13.

Ou kay ni konfyans Bondyé vlé édé’w.—Filipay 4:6, 7.

Ou kay ni èspwa Bondyé kay éfasi tout kalité soufwans.—Sam 37:9-11.

POUKI NOU SA KWÈ SA?

Paski Bib-la di:

• Bondyé hayi wè moun soufè èk I kont enjistis. I té fè Jéhova lapenn lè pèp li té ka soufè an tan lontan. Èk Bondyé pwan aksyon pou édé yo.—Twavay 7:34.

  Bondyé hayi’y lè moun fè lézòt soufè. Sé pou sa I di an Pawòl li: “Mwen kay pwan wivanj bay zòt. Mwen kay péyé yo déviwé.”—Ronm 12:19.

• Bondyé mélé épi nou chak. Jéhova ka ankouwajé nou pou mété tout pwòblenm nou an lanmen’y, paski I enmen nou.—1 Pita 5:7.

  Tou talè, Jéhova kay sèvi Wéyòm li pou éfasi tout soufwans. (Mafyou 6:9, 10) Mé pou apwézan, Bondyé ka konfòté moun ki ka fè éfò-a pou konnèt li.—Twavay 17:27; 2 Kòrint 1:3, 4.