Ki moun ki ka kondwi latè-a?

MI SA BIB-LA DI

“Tout latè-a anba pouvwa Denmou-an.”—1 Jan 5:​19, Tèstèman Nèf-la.

“Gason Bondyé vini . . . pou détwi twavay Denmou-an.”​—1 Jan 3:8, Tèstèman Nèf-la.

SÉ BENNÉFIS-LA OU KAY TWAPÉ

Ou sa konpwann pouki moun ka soufè kon sa.​—Wévélasyon 12:12.

Ou sa ni konfyans soufwans kay bout yon jou.​—1 Jan 2:17.

POUKI NOU SA KWÈ SA?

Paski Bib-la di:

• Lotowité Satan kay fini anyen. Jéhova ja désidé pou tiwé lézòm anba pouvwa Satan. Bondyé pwonmèt pou détwi Satan èk wanjé tout donmaj-la I ja fè-a.​—Hibrou 2:14.

• Jéhova ja chwazi Jézi Kwi pou kondwi latè. Moun-nan ki ka kondwi latè-a mové èk I ka gadé pou kò’y sèlman. Mé Jézi pa kon sa. Mi sa Bib-la di Jézi kay fè: “Lè yo kwiyé, mwen kay wéponn . . . Mwen kay délivwé yo èk mwen kay onnowé yo.”​—Sam 91:​15, 16.

• Bondyé pa sa manti. Bib-la di: “Bondyé pa sa manti.” (Hibrou 6:18) Lè Jéhova pwonmèt I kay fè an bagay sé konmsi I ja fèt! (Hibrou 6:17) “Bondyé ja kondanné Satan.”​—Jan 16:11.