Fè Chanjman An Vwa’w

Pwovèb 8:4, 7

WÉZIMÉ: Chanjé fòs-la ou ka palé épi, son-an an vwa’w, èk vitès-la lè ou ka palé pou enstwi byen èk pou touché tjè moun.

MANNYÈ POU FÈ’Y:

• Chanjé fòs-la ou ka palé épi. Lévé vwa’w lè’w vlé pézé fò asou sé gwo pwen-an èk lè’w vlé motivé moun ki ka kouté’w. Osi, ou ni pou lévé vwa’w lè ou ka li konmisyon jijman an Bib-la. Bésé vwa’w lè ou vlé fè moun anvi kouté’w, èben lè ou vlé moutwé pèwèz èben twistès.

• Chanjé son-an an vwa’w. Ou sa chanjé son-an an vwa’w (1) pou mété lavi an pawòl ou; (2) pou moutwé gwòsè; èben (3) pou moutwé distans. Bésé son-an an vwa’w pou moutwé pèwèz èben lapenn.

• Chanjé vitès-la lè’w ka palé. Palé pli vit pou moutwé ou èksité. Pa palé tèlman vit lè ou ka mansyonnen sé pwen-an ki enpòtan.