Entwodiksyon Pou Sèksyon 8

Jéhova benni Sòlomonn an chay. I ba’y lasajès ki té èstòdinè. Osi, Jéhova ba’y bèl pwivilaj-la pou bati tanp-lan. Mé, Sòlomonn koumansé swiv moun ki té ka adowé fo dyé, èk piti an piti yo fè’y tounen do’y asou Jéhova. Si ou sé an pawan, édé ich ou pou konpwann sa. Apwé Sòlomonn mò, Jéhova sépawé Wéyòm-lan an dé «2». Mé pwèskè tout sé wa-a té méchan, èk yo fè pèp-la kité Jéhova pou yo sa adowé fo dyé. Diwan tan sala, yo té ka pèsikité sé pwofèt-la, èk yo tjwé an chay di yo. Wenn Jèzibèl té tèlman méchan, i ankouwajé pèp-la pou antwé pli fon an fo adowasyon. Tan sala té byen wèd pou pèp Izwayèl. Mé, la té ni an chay moun ki wèsté fidèl pou Jéhova. Pou ègzanp, Wa Jéhòchafat èk pwofèt Ilaydja pa janmen kité Jéhova.