Touché Tjè Moun

Sé tjè nou ki ka pousé nou pou obéyi Jéhova. (Pwov. 3:1) Kon sa, lè nou ka enstwi moun, nou vlé fè éfò pou touché tjè yo. Ki mannyè nou sa fè sa?

Lè ou ka étidyé Bib-la épi yon moun, I pa asé pou annèk moutwé’y sa ki an Bib-la. Ou osi ni pou édé’y konpwann mannyè enfòmasyon-an ki an Bib-la sa édé’y an lavi’y èk an wilasyon’y épi Jéhova. Édé moun-lan konpwann mannyè pwensip ki an Bib-la ka moutwé lanmityé, bonté, èk ladwati Jéhova. Osi, épi jantiyès èk pokosyon, sèvi bon kwèsyon pou édé’y ègzanminé katjil li konsèné sa I ka apwann. Édé’y pou wézonnen asou mannyè lavi’y kay vini pli mèyè si I chanjé yon mové atitid èben yon vyé labitid I ni. Lè ou wè étidyan’w vwéman enmen Jéhova, ou kay ni pli djèwté.

GADÉ VIDIYO-A ÈSPÉYANSÉ LAJWA KON OU KA FÈ DISIP—ANNOU FÈ PLI BYEN—TOUCHÉ TJÈ YO, ÈK APWÉ WÉPONN SÉ KWÈSYON SALA:

• 

  Pouki Neeta té mandé Jade: “Ès ou té katjilé asou sa nou té diskité Lendi?”

• 

  Koumannyè Neeta té édé Jade pou konpwann mannyè pwensip Bib ka moutwé Jéhova enmen’y?

• 

  Koumannyè Neeta té édé Jade pou wézonnen asou mannyè I sa moutwé I ni lanmityé pou Bondyé?