COVID Hiɔ ɔ Gbe Nihi Ayɔ 6 Sɔuu​—Mɛni Nɛ Baiblo ɔ De?

Kuu nɛ ji World Health Organization (Je ɔ Nɔmlɔ Tso Mi He Wami Nami Blɔ Nya Tomi) ɔ tsɔɔ kaa, benɛ e ke suɔ May 23, 2022 ɔ, COVID-19 hiɔ ɔ gbe nihi ayɔ 6 kɛ se sɔuu. Se ngɛ amaniɛ bɔmi ko nɛ ba ngɛ May 5, 2022 ɔ mi ɔ, World Health Organization ɔ de kaa, nihi a yibɔ nɛ a gbo ɔ ya hɛ mi wawɛɛ nitsɛ. E de kaa, ngɛ jeha 2020 kɛ 2021 ɔ mi ɔ, “nihi nɛ COVID-19 hiɔ ɔ gbe aloo nihi nɛ COVID-19 hiɔ ɔ ha nɛ hiɔ kpahi nɛ a ngɛ ɔ mi wa wawɛɛ nɛ́ a gbo ɔ . . . a yibɔ maa su 14,900,000.” Anɛ Baiblo ɔ de nɔ́ ko ngɛ haomihi nɛ a nya wa kaa kikɛ nɛ ɔ he lo?

Baiblo ɔ gba kaa gbenɔ hiɔhi nɛ sãa nɔ maa ba

•  Yesu gba kaa gbenɔ hiɔhi nɛ sãa nɔ, aloo “hiɔhi nɛ a ngɛ gbeye,” nɛ sãa nɔ maa ba ngɛ be nɛ a tsɛɛ ke “nyagbe ligbi ɔmɛ a mi.”​—Luka 21:11, Contemporary English Version; 2 Timoteo 3:1.

Yesu gbami ɔ ngɛ mi bae mwɔnɛ ɔ. Ke o suɔ nɛ o le babauu ɔ, moo kane munyu nɛ ji “What Is the Sign of ‘the Last Days,’ or ‘End Times’?”

Baiblo ɔ woɔ wa bua

•  “Bua womi tsuo Mawu ɔ. . . woɔ wa bua ngɛ wa kahi tsuo a mi.”​—2 Korinto Bi 1:3, 4.

Nihi babauu nɛ a suɔli gbo ɔ ná bua womi kɛ je Baiblo ɔ mi. Moo kase babauu ngɛ munyuhi nɛ ji “Coping With Grief​—What You Can Do Today” kɛ “The Best Help for Those Who Grieve” ɔ mi.

Baiblo ɔ tsɔɔ nɔ́ nɛ maa po nyagba nɛ ɔmɛ a se kulaa

•  “Ha nɛ o Matsɛ Yemi ɔ nɛ ba. Ha nɛ a pee o suɔmi nya ní ngɛ zugba a nɔ kaa bɔ nɛ a peeɔ ngɛ hiɔwe ɔ.”​—Mateo 6:10.

E be kɛe nɛ́ “Mawu Matsɛ Yemi ɔ” ma ha nɛ “nihi nɛ ngɛ zugba a nɔ ɔ, a ti nɔ kɔ nɔ ko be dee hu ke, ‘I be he wa mi.’” (Maako 1:14, 15; Yesaya 33:24) Hyɛ video nɛ ji Mɛni Ji Mawu Matsɛ Yemi ɔ? konɛ o le níhi babauu kɛ kɔ nɔ yemi nɛ ngɛ hiɔwe nɛ ɔ kɛ nɔ́ nɛ e maa pee ɔ he.

Wa ngɛ mo nine fɔe nɛ o kase babauu kɛ kɔ níhi nɛ Baiblo ɔ de ɔ he, konɛ o kɛ o weku ɔ nɛ ná e mi ga womi kpakpahi kɛ si womihi nɛ woɔ nɔ bua a he se.