Sɛ Ekila a, Kɛ Oyuwadɩ Eyi Ɩkɛyɛ Eɣile Be a?

MƆƆ BAYƖBƲLƲ YƖ ƖKÃ

“Nyamɩnlɩ . . . ɩbabɩba bɛ anyɩ tʋ mʋnlɩ munwatĩĩ. Owulo íni ɛkɛnɩ ebiyekʋ̃, ɛyɛkɛ nɩɩ mʋnlɩ béni ɛkɛnɩ ebiyekʋ̃, ozunɛ íni ɛkɛnɩ ebiyekʋ̃. Sianti yɛ lɛ kɛɛ, nninyeni dadampɔ nɩ bodua numɔ.”—Yikile 21:3, 4, Nhyɩhyɛlɩyɛ Fʋlɔ Aɣɩnda Bayɩbʋlʋ.

MƖNLA MFASƲ YƐ ƖKƐMA EKENYIA?

Egyima baaba mɔɔ wʋ ahʋnlɩnɩ ɩpɛyɩ.—Isaiah 65:21-23, New World Translation.

Adimakɛlɛ nɩɩ atɩɩtɩɩ bela íni ɛkɛnɩ. —1 Kɔlɛntɩmaa 15:26; Yikile 7:17; Matiyu 9:35.

Ɛnɩ wʋ abusunwamaa nɩɩ wʋ ɔhɔnwʋmmɔ bekenyia azɩwʋwalɛ mɔɔ anyɩnlɩlelɛ wɔ numɔ eɣile bela.—Matiyu 5:5.

ASƲ̃ SA YƐKƲLA YEDE MƆƆ BAYƖBƲLƲ ƖKÃ YƖ NƖ YEDI A?

Nyɛ, sianti anwɩ̃ be ti:

• Nyamɩnlɩ ɩwɔ tumi kɛɛ ɩkɛma yɩ anʋhʋba bela ɩkɛɣa nu. Wɔ Bayɩbʋlʋ yɩ nu nɩ, Gyehova Nyamɩnlɩ yɩzayɩ nkʋ̃ kyeinyii la yɛɛ bɔfʋlɛ yɩ “Tumivʋlɔ” a, iluwakɛɛ yi tumi íni yɩ munwa. (Yikile 15:3) Meti, sa ɩkʋla paa ɩma yɩ anʋhʋba mɔɔ ɩwɔ kɛɛ ɩkɛzɩnza yɛ oyuwadɩ eyi ma ɩkɛyɛ bʋwɔ nɩ ɩba numɔ. Dɩkɛ mɔ Bayɩbʋlʋ yɩ nɩ ɩkã nɩ, “na Nyamɩnlɩ mɛyɩ, dɩyɛ bela ɩkʋla ɩyɛ.”—Matiyu 19:26.

• Nyamɩnlɩ ɩwɔ ɛpɛ kɛɛ ɩkɛma yɩ anʋhʋba bela ɩkɛɣa nu. Kɛ ndianwʋ nɩ, Gyehova ɩanyɩ ɩla kɛɛ ikodunwo mmenii mɔɔ bowu yɩ nɩ ma bɛkɛɣa nnwʋanlɩ nu ebiyekʋ̃.—Dwɔɔnʋ 5:28, 29.

  Bayɩbʋlʋ isia ikile kɛɛ Nyamɩnlɩ yɩ Ɣa Gyisɛsɩ ɩzalɩ mmenii adimakɛlɛ. Mɩnla ti mɔɔ ɩyɛlɩ ɔzɔ a? Sianti yɛ lɛ kɛɛ, nɩ ɩwɔ ɛpɛ kɛɛ ɩkɛyɛ ɔzɔ. (Maakɩ 1:40, 41) Gyisɛsɩ ɩlalɩ yɩ Zɩ yi subanɩ ali pɛpɛɛpɛ iluwa ɛpɛ mɔɔ nɩ ɩwɔ kɛɛ ɩkɔwʋwa mmenii nɩ.—Dwɔɔnʋ 14:9.

  Meti sa yɛkʋla yede yedi kɛɛ, Gyehova ɩnɩ Gyisɛsɩ munwala bɛpɛyɩ kɛɛ bɔbʋwa yɛ ma yenyia eɣile be mɔɔ anyɩnlɩlelɛ wɔ numɔ!—Psalm 72:12-14; 145:16, NW; 2 Pita 3:9.