Aninyia Dɩyɛ Paa Yɛ Idii Oyuwadɩ Yɩ Zʋ a?

MƆƆ BAYƖBƲLƲ YƖ ƖKÃ

“Abɔnsamɩ . . . yɛ ikila tanɩ oyuwadi eyi zʋ.”—2 Kɔlɛntɩmaa 4:4.

“Nyamɩnlɩ Ɣalɛ nɩ ɩɣalɩ . . . ama ɩazɩkɛ Abɔnsamɩ yi egyima.”—1 Dwɔɔnʋ 3:8, Nhyɩhyɛlɩyɛ Fʋlɔ Aɣɩnda Bayɩbʋlʋ.

MƖNLA MFASƲ YƐ ƖKƐMA EKENYIA?

Ɩma ɛtɩ sianti mɔɔ yɛ oyuwadɩ eyi ile salɛ nu nɩ ɩtʋ bʋwɔ.—Yikile 12:12.

Ɩma ede edi kɛɛ yɛ oyuwadɩ eyi ɩkɛzɩnza ɩkɛyɛ bʋwɔ.—1 Dwɔɔnʋ 2:17.

ASƲ̃ SA YƐKƲLA YEDE MƆƆ BAYƖBƲLƲ ƖKÃ YƖ NƖ YEDI A?

Nyɛ, sianti asã be ti:

• Abɔnsamɩ yɩ tumililɛ ɩbazɩkɛ. Gyehova izi yɩ adwɩnɩ pi kɛɛ ɩkɛva Abɔnsamɩ yɩ tumi mɔɔ idii wɔ enii zʋ nɩ ɩkɛɣa awielɩyɛ. Nyamɩnlɩ ɩwɔ anʋhʋba kɛɛ ɩlɛ́kyɛ na “ɩazɩkɛ . . . Abɔnsamɩ” na iaziyeziye nninyeni mɔɔ Abɔnsamɩ ɩzɩkɛ yɩ munwatĩĩ.—Hibulumaa 2:14.

• Nyamɩnlɩ ɩyɩ Gyisɛsɩ Kɩlayɩsɩ kɛɛ ili oyuwadɩ yɩ zʋ. Gyisɛsɩ ɩdɩ sʋnʋnkʋ̃ kʋlaa wɔ oyuwadɩ eyi zʋ hilalɛvʋlɔ mɔɔ ɩdɩ atinuzɩzɩbɛ nɩɩ angʋmidi nɩ yɩ nwʋ. Mɔ ɩfalɩ Gyisɛsɩ yɩ Bulombunlililɛ nwʋ nɩ, Nyamɩnlɩ ɩwɔ anʋhʋba kɛɛ: “Ɩkɔnwʋ kwahwɩhwɩmaa nɩɩ ahyinyiamaa ngokɛ . . . Sa ide bɛ wɔ atɩɩtɩɩ nɩɩ atinuzɩzɩbɛmaa bɛ sa nu.”—Psalm 72:13, 14, New World Translation.

• Nyamɩnlɩ ɩáli awohwi. Bayɩbʋlʋ ɩkã petee kɛɛ: “Nyamɩnlɩ ɩáhʋla idi awohwi.” (Hibulumaa 6:18) Sɛ Gyehova ɩbɔ anʋhʋba kɛɛ ɩkɛyɛ dɩyɛ be a, ɩdɩ kɛɛ mɔɔ ɩyɛ! (Isaiah 55:10, 11, NW) “Bɛbadu Abɔnsamɩ mɔɔ mɛyɩ yɛ isiye tanɩ oyuwadɩ eyi nɩ wɔ ɛkɛnɩ.”—Dwɔɔnʋ 12:31.