Nyamɩnlɩ Bulombunlililɛ Yɩ Nɩ, Mɛyɩ Yɛɛ Lɛ Mɩnla?

MƆƆ BAYƖBƲLƲ YƖ ƖKÃ

“Sikalɛpɛyɩ yɩ azɩlɛ yɩ zʋ bulombunlililɛ munwatĩĩ ɩɣa ɩyɛ ye Niibenyia Nyamɩnlɩ, nɩɩ Kɩlayɩsɩ nɩ bɛ dɩyɛ. Na ibali bulombunli eɣile bela.”—Yikile 11:15, Nhyɩhyɛlɩyɛ Fʋlɔ Aɣɩnda Bayɩbʋlʋ.

“Ɩkɛyɛ enii kezile, na bɔkɔvʋlɛ yɩ Sʋlɔ nu sʋlɔ sʋlɔ Nyamɩnlɩ nɩ yɩ Ɣa benyia, . . . Ikeli bulombunli . . . , na yi bulombunlililɛ ɩlɛ́ba awielɩyɛ kyɩ̃!”—Luuku 1:32, 33.

MƖNLA MFASƲ YƐ ƖKƐMA EKENYIA?

• Aɣanɩ mɔɔ ɩtɩnɣɛ mɔɔ wʋzawʋ sʋ̃ ekenyia ɔzʋlɔ mfasʋ.—Luuku 11:28.

• Ekenyia pɔkɔdɩlɛ mɔɔ idi munli nɩɩ anyɩnlɩlelɛ wɔ oyuwadɩ fʋlɔ mɔɔ ɩba yɩ nu.—Yikile 21:3, 4.

ASƲ̃ SA YƐKƲLA YEDE MƆƆ BAYƖBƲLƲ ƖKÃ YƖ NƖ YEDI A?

Nyɛ, sianti anwɩ̃ be ti:

• Gyisɛsɩ ihileli mɔɔ Nyamɩnlɩ Bulombunlililɛ nɩ ɩkɛyɛ. Gyisɛsɩ ihileli yɩ adʋwavʋlɔ nɩ mɔ kɛɛ bɔwɔ́ mpayɩ ma Nyamɩnlɩ Bulombunlililɛ ɩɣɩla na bɛyɛ́ yɩ apɛdɩ wɔ azɩlɛ yɩ zʋ. (Matiyu 6:9, 10) Gyisɛsɩ ihileli kezimɔ bɛkɛma ɔzɔ mpayɩwɔlɛ eyi nwʋ munwalɩyɛ.

  Mmɩlɩ mɔɔ nɩ ɩwɔ azɩlɛ yɩ zʋ nɩ, Gyisɛsɩ ɩmanlɩ mmenii mɔɔ nɩ kɔmɩ iku bɛ nɩ alɩyɛ, ɩzalɩ mmenii adimakɛlɛ, na ɩmanlɩ awuvʋlɔ be bɛɣalɩ nnwʋanlɩ nu dɔkʋ̃! (Matiyu 15:29-38; Dwɔɔnʋ 11:38-44) Kɛ eɣile be Bulombunli wɔ Nyamɩnlɩ Bulombunlililɛ manlɩ yɩ zʋ nɩ, Gyisɛsɩ ihileli nninyeni ngɩnlɩma mɔɔ ɔzɔ Bulombunlililɛ nɩ ɩkɛyɛ ɩkɛma yɩ manlɩmaa yɩ nɩ.—Yikile 11:15.

• Ndwokɔ mɔɔ isizi wɔ oyuwadɩ eyi nu nɩ isi ɔzʋlɔ owudo kɛɛ ɩlɛ́kyɛ Nyamɩnlɩ yi Bulombunlililɛ nɩ ɩkɛɣa. Gyisɛsɩ ɩhanlɩ kɛɛ ansaana Bulombunlililɛ eyi ɩkɛva azʋ̃nudwolɩyɛ ɩkɛɣa azɩlɛ yɩ zʋ nɩ, kʋnɛ, kɔmɩ, nɩɩ azɩlɛwʋsʋlɛ ikezizi wɔ azɩlɛ yɩ zʋ.—Matiyu 24:3, 7.

  Yɛ nwʋ yɩ kɛɛ ɔzɔ nninyeni nɩ isizi nnɛ. Meti sa yɛkʋla yede yedi kɛɛ ɩlɛ́kyɛ Nyamɩnlɩ Bulombunlililɛ yɩ nɩ ɩkɛva ɔzɔ atɩɩtɩɩ munwatĩĩ ɩkɛɣa awielɩyɛ.