Dé Wʋ Ɔhɔnwʋmmɔ Egyimayɛlɛmaa Bɔ Mmʋwalɩyɛ Tiã Nu

Mɔɔ ɩkɛyɛ na Gyehova ɩawʋwa yɛ nɩ, ɩva ye “mmeliyema dedimaa mɔɔ bɔwɔ oyuwadɩ yɩ nu dɩka bela” ɩma yɛ. (1Pit 5:9) Sa bɔkʋla bɔbʋwa yɛ ma yedi ndwokɔ ɛzɩzɩbɛ mɔɔ yeyiyia wɔ dasɩlɛlilɛ nu nɩ zʋ. Kɛ ndianwʋ nɩ, sʋ̃mavʋlɔ Pɔɔlʋ inyianlɩ Akuyɩla nɩɩ Pɩlɩsɩla, Sɩlasɩ, Timoti, nɩɩ mmenii mvʋlɔ bɔ mmʋwalɩyɛ zʋ mfasʋ.—Egy 18:1-5.

Kɛ wʋ ɔhɔnwʋmmɔ ɛlawulowɔlɛmaa bɔkɔhʋla bɔkɔwʋwa wʋ bekeze a? Sa bɔkʋla bɔbʋwa wʋ ma edi ndwokɔ mɔɔ bɛta bɛkã bɛfa botualɩ nkɔmmɔwɔlɛ zʋ nɩ yɩ zʋ, kezimɔ ɛkɛyɛ siakehila, anzɛnyɩɩ kezimɔ ɛkɛhyɩhyɛ na wʋayɛ Bayɩbʋlʋ dɩyɛzumanlɛ. Pɩbɛ abiye mɔɔ ɩwɔ wʋ asafʋ nu mɔɔ ɩkɔhʋla ɩkɛva mmʋwalɩyɛ mɔɔ ehyinyia nɩ ɩkɛma wʋ na siã yɩ ma ɩwʋwa wʋ. Pɩlazunlɛ bela íni nwʋmɔ kɛɛ bo munwala bekenyia ɔzʋlɔ mfasʋ na bɛ anyɩ ikele.—Fɩl 1:25.

KILÁ VIDIYO MƆƆ BƐYƐ YƖ DƖLAMA MƆƆ ISE NYIÁ ANYƖNLƖLELƐ WƆ ADƲWAVƲLƆYƐLƐ EGYIMA YI NU—DÉ GYEHOVA YƖ MMƲWALƖYƐ TIÃ NU—YE MMELIYEMA, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla ɔhʋanɩ zʋ yɛ Anita ɩwɔlɩ mmɔdɩnɩ ɩhyɛlɩ Jade ɛzɩzɩbɛ kɛɛ ɩɣɩla dɩyɛzumanlɛ nɩ be a?

• 

  Mɩnla ti mɔɔ ɩsɛ kɛɛ yɛtʋ salɛ yɛfʋlɔ ɛlawulowɔlɛmaa mvʋlɔ ma bɛkɩnla yɛ nwʋ mmɩlɩ mɔ yɛyɛɛ Bayɩbʋlʋ dɩyɛzumanlɛ nɩ a?

• 

  Mɩnla dɩyɛ yɛ nɩ Jade nɩɩ Antɩ Abigay bo munwala bɛ anyɩ ideli nwʋ a?

• Mɩnla yɛ yɛkɔhʋla yekozuma wɔ ye mmeliyema bɛ ɛkɛnɩ wɔ kezimɔ yekodu mpʋnɩ wɔ dasɩlɛlilɛ nu nɩ nwʋ a?