Dɩyɛzumanlɛ Nwʋ Adwɩnɩhilelɛ

Asʋ̃ enyiaa Ɛhɛlɛlɛ odwokɔ mɔɔ behilehile numɔ wɔ Buuku Mɔɔ Gyehova Dasɩvʋlɔmaa Bɛfa Bɛyɛ Ɛbɩbɛlɛnu yɩ zʋ mfasʋ a?

Ndwokɔ eyimmɔ kɔwʋwa wʋ ma ɛkɛbɩbɛ Nyamɩnlɩ Odwokɔ yi nu kɔhɔ aɣinzi. Ebiye dɩ kezimɔ nɩ nninyeni dɩ mmɩlɩ mɔ odwokɔ be mɔɔ Bayɩbʋlʋ kã nwʋmɔ odwokɔ izili nɩ, sianti mɔɔ bɛhɛlɛlɩ, enii mɔɔ ɩfalɩ yɩ nwʋ, anzɛnyɩɩ ndwokɔ abɔkɔ pɔkyɩɩ be yɩ tʋhilelɛ.

Watchtower INTANƐTƖ ZƲ AWUUKUZIYELƐDƖKA^™ nɩɩ JW Library^® munwala ma wʋ sa kã Buuku Mɔɔ Gyehova Dasɩvʋlɔmaa Bɛfa Bɛyɛ Ɛbɩbɛlɛnu yi nu ndwokɔ senyii wɔ Bayɩbʋlʋ nkyɩkyɛmi be nwʋ. Bayɩbʋlʋ bela mɔɔ ɔkɔhwɩ̃ wɔ ɛkɩ nɩ, sɛ ndwokɔ mɔɔ bɔhwɩ̃ adwɩnɩ beziye zʋlɔ yɩ be wɔ nwʋ a, eminyia zʋ a sa ibuko.

Sɛ ɛlɛ ndwokɔ eyimmɔ edii egyima a, fa wʋ adwɩnɩ kɔ deeti yɩ zʋ. Ndwokɔ mɔɔ ɩdɩ fʋlɔ paa nɩ wɔ sʋlɔ. Yɛɛ ɔkɔ yɩ tʋ paa a, ndwokɔ mɔɔ ɩwɔ ɛkɛnɩ nɩ ɩhyɛ na ebiye a, ntɩyasɩ mɔɔ ɩwɔ numɔ nɩ bɛzɩnza yɩ.

• Buuku Mɔɔ Gyehova Dasɩvʋlɔmaa Bɛfa Bɛyɛ Ɛbɩbɛlɛnu nɩ, ɩwɔ Watchtower INTANƐTƖ ZƲ AWUUKUZIYELƐDƖKA kɛnɩ daada.

• Sɛ ekenyia nkyɩkyɛmi be nwʋ ndwokɔ sʋ̃maa wɔ JW Library zʋ a, twɩ̃ Buuku Mɔɔ Gyehova Dasɩvʋlɔmaa Bɛfa Bɛyɛ Ɛbɩbɛlɛnu yɩ be na fʋlɔ sʋ̃ ba a, nɩ ɔhwɩ̃. Sɛ obuko tile be wɔ Bayɩbʋlʋ yi nu a, minyia “Download” mɔɔ ɩwɔ wʋ sa nyini zʋ nɩ fa twɩ̃ ebiye.