Dɩyɛzumanlɛ Nwʋ Adwɩnɩhilelɛ

Sɛ Yenyia Ntɩyasɩ Fʋlɔ Wɔ Bayɩbʋlʋ Nu Odwokɔ Be Nwʋ a, Ɔkɔnwʋ Yɩ Wɔ Ɛhɩnlafʋã a?

Yɛda mmɩlɩ mɔ ɩyɛ anyɩnlɩlelɛ paa nu. Iluwakɛɛ, Gyehova ɩdaa Bayɩbʋlʋ nu ntɩyasɩ ali ngyɩkɩ̃ɩ̃ ngyɩkɩ̃ɩ̃ ikehile yɛ ɩtɛla mmɩlɩ bela. (Da. 12:4) Naasʋ̃ ɩkɔhʋla ɩkɛyɛ sɩ kɛɛ, mmɩlɩ mɔ yenyia Bayɩbʋlʋ nu odwokɔ be nwʋ ntɩyasɩ fʋlɔ nɩ, yɛkɔnwʋ dɩka mɔɔ ɩwɔ. Ɛhɩnlafʋã yɛ yɛkɔnwʋ ntɩyasɩ mvʋlɔ eyimmɔ nɩɩ sianti mɔɔ bɛyɛlɩ nzɩnzanlɩyɛ eyimmɔ a?

• Wɔ Watch Tower Publications Index yi nu nɩ, ɔkɔnwʋ kɛɛ bɛhyɩhyɛ ntɩyasɩ mvʋlɔ mɔɔ yenyia wɔ Bayɩbʋlʋ nu ndwokɔ be nwʋ wɔ “Beliefs Clarified” ɔfʋã kɛ. Sɛ ɛpɛɛ mɔɔ bɛhyɩhyɛ yɩ ndwokɔ adile a, bɔ “understanding clarified” (fá quotation marks yɩ kɩnla nwʋ) kua dɩka mɔɔ bɛfa bɛpɩbɛ dɩyɛ, wɔ Watchtower Library anzɛnyɩɩ Watchtower ONLINE LIBRARY^™ yɩ zʋ nɩ.

• Buuku Mɔɔ Gyehova Dasɩvʋlɔmaa Bɛfa Bɛyɛ Ɛbɩbɛlɛnu nɩ, ɩlɛ ndwokɔ adile azʋlɔtʋ. Sɛ obuko numɔ bela a, ɔkɔnwʋ ndwokɔ adile sʋ̃maa wɔ kɛ. Buko “Jehovah’s Witnesses” na akʋ̃ kɔ “Views and Beliefs,” na ɔkɔnwʋ “Clarification of Our Beliefs” wɔ kɛnɩ.

Sa ɔkʋla otwe eyi kila wɔ wʋzawʋ wʋ dɩyɛzumanlɛ nu: Yɩ́ nzɩnzanlɩyɛ mɔɔ ɩɣa eɣile asã yɩ wɔ ntɩyasɩ mɔɔ yɛwɔ wɔ Bayɩbʋlʋ nu odwokɔ be nwʋ nɩ numɔ ɔkʋ̃, na yɛ nwʋmɔ ɛbɩbɛlɛnu kila ɛhɛlɛlɛ odwokɔ mɔɔ begyinanlɩ zʋlɔ bɛyɛlɩ ɔzɔ nzɩnzanlɩyɛ nɩ.