Kezimɔ Ekenyia Marginal References Zʋ Mfasʋ

Marginal references mɔɔ ɩwɔ New World Translation of the Holy Scriptures yɩ nu nɩ ma yɛnwʋ ɛhɛlɛlɛndwokɔ mvʋlɔ mɔɔ ɩkã sʋ̃maa ɩfalɩ ɛhɛlɛlɛdwokɔ be nwʋ. Marginal references dɩ ɛhɛlɛlɛmma ngyɩkɩ̃ɩ̃ ngyɩkɩ̃ɩ̃ be mɔɔ bɛfa bowula odwokɔpɔkɔ be mɛda. Wɔ Bayɩbʋlʋ mɔɔ bɛpɩlɩntɩ yɩ nu nɩ, ɔkɔnwʋ ɛhɛlɛlɛmma mɔɔ ɩwɔ odwokɔpɔkɔ be nwʋ nɩ yɩ ɔkʋ̃ sʋ̃ wɔ Bayɩbʋlʋ yɩ avinli anzɛnyɩɩ yɩ pɛ mɔɔ ɩma ɔnwʋ ɛhɛlɛlɛndwokɔ mvʋlɔ mɔɔ ɩkã odwokɔpɔkɔ yɩ nwʋ odwokɔ. Wɔ jw.org anzɛnyɩɩ JW Library^® zʋ nɩ, sɛ eminyia ɛhɛlɛlɛmma yɩ zʋ a, ɔkɔnwʋ ɛhɛlɛlɛndwokɔ sʋ̃maa mɔɔ ɩfalɩ nwʋ.

Marginal references yɩ kɔhʋla kɛma ɔkɔnwʋ nninyeni eyimmɔ nɩɩ mvʋlɔ:

Ɛhɛlɛlɛndwokɔ mvʋlɔ mɔɔ ɩkã odwokɔ kʋ̃ yɩ la: Ɛhɛlɛlɛmma yɩ fa wʋ ɩkɔ Bayɩbʋlʋ buuku fʋlɔ nu mɔɔ ɩkã odwokɔ kʋ̃ yɩ la. Kɛ ndianwʋ nɩ, kila 2 Samʋwɛlɩ 24:1 nɩɩ 1 Mmɩlɩzʋdwokɔ 21:1.

Dɩka mɔɔ boduli odwokɔ be bɛhanlɩ: Ɛhɛlɛlɛmma yɩ ma ɔnwʋ dɩka mɔɔ odwokɔ be mɔɔ bɛhanlɩ wɔ ɛhɛlɛlɛdwokɔ be nu nɩ ɩzʋ̃ anzɛnyɩɩ dɩka mɔɔ boduli ɔzɔ odwokɔ yɩ. Kɛ ndianwʋ nɩ, kila Matiyu 4:4 nɩɩ Ditilonɔmi 8:3.

Nkɔmɩhyɛ numɔɣalɛ: Ɛhɛlɛlɛmma nɩ twɩ̃ adwɩnɩ siye nkɔmɩhyɛ be numɔɣalɛ zʋ. Kɛ ndianwʋ nɩ, kila Matiyu 21:5 nɩɩ Zakalɩya 9:9.