Kʋnɛ—Mɔɔ Nyamɩnlɩ Yɩ Bulombunlililɛ Nɩ Kɛyɛ Wɔ Nwʋ

Kʋnɛ mɔɔ ɩkɔlɩ zʋlɔ wɔ oyuwadɩ munwala nɩ ma mmenii sʋ̃maa yiyia atɩɩtɩɩ nɩɩ ɛyɛkɛ wɔ bɛ ɛbɩlawɔlɛ nu. Kila amanɩyɛwɔlɛ mɔɔ ilili ɔzʋlɔ eyi:

• “Kɛyɛ alʋbɔ 28 ɛdɩ yɛ mmenii sʋ̃maa wuwu wɔ kʋnɛ nu a. Na mmenii sʋ̃maa mɔɔ bowuwuli nɩ zʋnlɩ tɛla alʋbɔ be mɔɔ ɩɣa ɩzɩ̃ ɩhɔ nɩ. Na yɩ fʋã kezile zʋ̃ Ethiopia nɩɩ Ukraine kʋnɛ yɩ.”—Peace Research Institute Oslo, June 7, 2023.

• “Sɛ Ukraine kʋnɛ yɩ la ahanlɩ a, wɔ ɔlʋbɔ 2022 nɩ, kʋnɛ mvʋlɔ sʋ̃ hɔlɩ zʋlɔ. Akʋ̃ sʋ̃, basabasayɛlɛ mɔɔ ɩhɔlɩ zʋlɔ wɔ manlɩwulɛ ndwokɔ nu nɩ hɔlɩ sʋlɔ kɛyɛ yaalɛ nu nkyɛmi 27 wɔ oyuwadɩ munwala na ɩhanlɩ mmenii kɛyɛ 1.7 billion.”—The Armed Conflict Location & Event Data Project (ACLED), February 8, 2023.

Bayɩbʋlʋ yɩ ma yenyia anyɩnlɩlazʋ. Ɩkã kɛɛ “sʋlɔ Nyamɩnlɩ nɩ kebigyia bulombunlililɛ be sʋlɔ na bɛlɛ́sɩkɛ yɩ kyɩ̃.” (Danɩyɛlɩ 2:44) Sɛ Nyamɩnlɩ yɩ Bulombunlililɛ anzɛnyɩɩ yɩ aɣanɩ nɩ ba a, ɩkɛma “kʋnɛ keyiaki wɔ azɩlɛ yɩ munwala zʋ.”—Ndwomi 46:9.