Manlɩwulɛmaa Mɔɔ Bɛáli Nɔhʋanlɛ—Mɩnla Yɛ Nyamɩnlɩ Yɩ Bulombunlililɛ Yɩ Kɛyɛ Wɔ Nwʋ a?

Manlɩwulɛmaa mɔɔ bɛáli nɔhʋanlɛ li adasamaa zʋ̃ hyɛ, eyi ma mmenii sʋ̃maa be padi golɔ meti behyinyia aɣanɩ be mɔɔ bɔkɔhʋla bekenyia yi nu anwʋlazʋ. Ɛbɩbɛlɛnu mɔɔ bɛyɛlɩ wɔ oyuwadɩ yɩ ɔfʋã be mɔɔ bɛlalɩ yɩ ali wɔ 2023 nu nɩ, mmenii sʋ̃maa hanlɩ kɛɛ, okuwu mɔɔ béni bo nu anwʋlazʋ yɛ lɛ aɣanɩ mbanimbani.a

Bayɩbʋlʋ yɩ kã aɣanɩ be mɔɔ ɔzʋlɔ Bulombunli yi dɩ nɔhʋanlɛvʋlɔ, ikyi nsisi, na yɛkɔhʋla yekenyia yi nu anwʋlazʋ nwʋ odwokɔ. Ɔzɔ aɣanɩ yɩ yɛ lɛ Nyamɩnlɩ yɩ Bulombunlililɛ yɩ na ɔzʋlɔ Bulombunli yɛ lɛ Gyisɛsɩ Kɩlayɩsɩ.—Ayɩzaya 9:7.

Mmɩlɩ mɔ Gyisɛsɩ wɔ azɩlɛ yɩ zʋ nɩ, ɩvalɩ yɩ nyɛlɩyɛ ihileli kɛɛ ɩdwɩnɩ mmenii nwʋ paa. (Matiyu 9:35, 36) Kɛ Nyamɩnlɩ yɩ Bulombunlililɛ yɩ zʋ Bulombunli nɩ, ɩkɛva pɛlɩpɛlɩlilɛ nɩɩ azʋ̃nudwolɩyɛ ɩkɛɣɩlɛ bɛzabɛ mɔɔ bede yi tumililɛ betiã numɔ nɩ.—Ndwomi 72:12-14.