Ozukuasɛmɩ Nu Anwʋkyɩlɩ Mɔɔ Ɩkɔlɩɩ Zʋ Nɩ, Mɩnla Yɛ Nyamɩnlɩ Yɩ Bulombunlililɛ Yɩ Kɛyɛ Wɔ Nwʋ a?

Mmenii sʋ̃maa beyiyiaa ozukuasɛmɩ nu anwʋkyɩlɩ wɔ oyuwadɩ munwala, na ɩyɛ sɩ ɩma bɛ kɛɛ bekenyia mɔɔ bekeli po, na eyi va adwɩnɩndwɩnɩ ɩɣa idiã bɔ zʋ.

• Amanɩyɛwɔlɛ be kile kɛɛ,a wɔ oyuwadɩ munwala nɩ “ozukua mɔɔ bɛfa botuwa kakɛ eziyianɩ bela nɩ ɔzʋlɔ dɩlɛ la yɛ ɩtɩɩ a.” Bɔbɔ yɛ kɔkɔ kɛɛ, sɛ bɛáyɛ dɩyɛ bela wɔ nwʋ a, ɩkɛma “nkyɩkyɛmi kɛɣa bɛzabɛ mɔɔ bɔwɔ ozukua nɩɩ ahyinyiamaa” bɛ avinli. “Na bɛ mmusunwamaa sʋ̃maa lényia mɔɔ behyinyia.”

Asʋ̃ aɣanɩ mbanimbani kɔhʋla kɛyɛ ozukuasɛmɩ nu anwʋkyɩlɩ mɔɔ ɩkɔlɩ zʋ nɩ nwʋ debe na bɛayɩ yɩ wɔ ɛkɛ a?

Bayɩbʋlʋ kã aɣanɩ be mɔɔ ɩkɔhʋla ɩkɛyɩ ozukuasɛmɩ nu anwʋkyɩlɩ nɩɩ nsisi mɔɔ ɩkɔlɩɩ zʋ wɔ ɛkɛnɩ nwʋ odwokɔ. Ɩkã kɛɛ “sʋlɔ Nyamɩnlɩ nɩ kebigyia bulombunlililɛ be sʋlɔ,” na ɔzɔ aɣanɩ yɩ yɛ ɩkɛɣa ikeli tumi na ɩayɩ ɔhawʋ mɔɔ ɩwɔ azɩlɛ yɩ zʋ munwala wɔ kɛ a. (Danɩyɛlɩ 2:44) Wɔ ɔzɔ aɣanɩ yɩ tumililɛ tʋ nɩ, Nyamɩnlɩ yɩ ɛɣɛɛlɛ léfi abiyela. (Ndwomi 9:18) Nyamɩnlɩ yɩ Bulombunlililɛ kehila kɛɛ yɩ manlɩmaa yɩ munwala kenyia mɔɔ bɛpɛ na ama bɛ anyɩ iale. Abiyela yɩ ahʋnlɩnɩ kɔdɔ yi kunlu na yɛ anyɩ iale wɔ yi egyima ɛzɩzɩbɛ munwala nu.—Ayɩzaya 65:21, 22.