Ndwokɔ Mvʋlɔ Mɔɔ Ɩba Ɔwɩɛnɩlɛ Aɣanɩ Yi Nu

Sɛ ɛlawulowɔlɛmaa sʋ̃maa besiyeziyee bɔ nwʋ bɛkɛma dɩyɛzumanlɛ a, bɛfa JW Library^® bedi egyima na bɛ anyɩ deli kezimɔ ɩfa bɛ ɩkɔ Ɔwɩɛnɩlɛ Aɣanɩ mɔɔ yesuma yɩ zʋ senyii nɩ nwʋ. Naasʋ̃ ɩyɛ a, bɛfa ndwokɔ mvʋlɔ bɛba Ɔwɩɛnɩlɛ Aɣanɩ yi nu mɔɔ mfasʋ wɔ zʋ. Meti sɛ yɛlɛ JW Library yedii egyima a, kɛ ɩkɛyɛ na yeanyia ndwokɔ eyimmɔ zʋ mfasʋ a?

• Wɔ Ɔwɩɛnɩlɛ Aɣanɩ mɔɔ yesuma bela nu nɩ, yɛwɔ ɔfʋã be mɔɔ bɔfʋlɔ yɩ “Additional Reading.” Wɔ ɔzɔ ɔfʋã yɩ tʋ nɩ, minyia “Other articles in this issue” yɩ zʋ. Kilahila numɔ ndwokɔ yɩ nu na ɔkɔnwʋ kɛɛ bɛva nɔma bɛhyɩhyɛ dɩyɛzumanlɛ ndwokɔ yɩ. Akʋ̃ minyia ndwokɔ adile mvʋlɔ mɔɔ nɔma bela ɩáhɩnla nwʋ mɔɔ ɛpɛ kɛɛ ɛkɩnga nɩ zʋ.

• Twɩ̃ Ɔwɩɛnɩlɛ Aɣanɩ fʋlɔ bela mɔɔ ɩkɛɣa wɔ “What’s New” ɔfʋã mɔɔ ɩwɔ Home wɔ JW Library yɩ zʋ nɩ. Buko magezini mɔɔ ɔhwɩnlɩ nɩ, na kilahila numɔ ndwokɔ yi nu kila kɛɛ ekenyia yi munwala zʋ mfasʋ.