Yawˬ gʼaˬ na luꞈ˗ahˇ tsaꞈ gaˬ˗eu gʼaˇ duˬ, aˬ yawꞈ jeˬ yawꞈ yaw luiˆ luiˆ˗ehˇ bi jaˆ

Yeˬhawˇbaˬ aˬ yawꞈ˗euˬ tsawˇ haˬ deuˬ˗ahˇ aˬ yawꞈ neh noeˬ taˬ˗euˬ jeˬ bi mˇ˗eu gʼaˇ duˬ, gaˇ hu Iˇsaˬleˬlaˆ deuˬ˗ahˇ aˬ yawꞈ jeˬ yawꞈ yaw luiˆ luiˆ˗ehˇ bi jaˆ˗eu loꞈ˗ehˇ nymˬ˗mˇ iˬ nah jiˇ teu loꞈ˗ehˇ jahˇ˗eu meh. Laˬ kʼaˬ cehˇ˗eu guiˬ lahˬ dawˬ tsaꞈ gaˬ˗eu gʼaˇ duˬ, miˇ kʼahˬ doe ni jaˆ˗eu Beˬdeˬlaˇ deuˬ hawˇ˗eu aˇ maꞈ deuˬ maˬ ehˇ, aˇ muˇ hawˇ˗eu tsaꞈ gaˬ˗eu aˇ muˇ deuˬ maˬ ehˇ, gaˇ tiˬ kawˆ loꞈ˗ehˇ mˇ˗eu meh. Aˬ dui yawˬ gʼaˬ na luꞈ˗ahˇ tsaꞈ gaˬ˗awˇ nui jeˬ˗euˬ dawˬ ngehˬ˗eu deuˬ˗ahˇ jiˇ tsaꞈ gaˬ˗eu ma.—Pah mehˬ˗eu 14:6, 7.

Nawˇ aˬ cawˬ˗euˬ tsawˇ jeuˬ dawˬ dzaw˗eu lehˇ shaˇ noeˬ haw maˬ loˇ? Nawˇ dzaw˗eu aˇ yamˬ yaw kʼaˆ˗ehˇ maˬ jaˆ kʼawꞈ, yaw awˬ awˬ lehˇ tsaꞈ gaˬ nya˗eu gʼaˇ duˬ, JW Lehˇgoiꞈ ehˆ zmˬ nya meh. Dahˬ beh˗euˬ Ka li zaˬ˗euˬ deuˬ yawˬ kʼahˬ yawˬ˗ahˇ neh laˇ˗euˬ tsawˇ haˬ deuˬ “Miˬyehˇ neh mˇ˗euˬ huiˬ˗eu gaˇ deuˬ gaˇ kawˆ” aˬ yawꞈ maꞈ˗euˬ dawˬ neh ya gaˬ ngeh zahˬ leˇ gaˇ ya mawˇ˗euˬ loꞈ˗ehˇ, aˬ dui jiˇ Miˬyehˇ gaˇ mˇ ngeh ehˆ heu zmˬ naˇ laˬ kʼaˬ cehˇ˗eu meh.—Gʼaˬkʼehˇ 2:7-11.

Yeˬhawˇbaˬ nehˬ˗ehˇ cawˬ cawˬ laˇ—Nui jeˬ˗euˬ dawˬ ngehˬ˗eu tsawˇ haˬ deuˬ˗ahˇ tsaꞈ gaˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Aˬ dui JW Lehˇgoiꞈ ehˆ aˬ geu ngeh zmˬ nya˗eu nga?

• 

  Ehˆ heu laꞈ kʼoeˇ nui ma ahˇ laˇ paˬ˗ehˇ gʼeh˗eu aˬ jeˬ jeˇ ahˇ˗eu nga?

• 

  Aˬ dui˗euˬ tsaꞈ gaˬ duˬ˗ahˇ aˬ jeˬ jeˇ tsawˇ jeuˬ˗euˬ dawˬ ngehˬ˗eu nga?

• Miˬyehˇ˗euˬ gaˇ kawˆ˗ahˇ siˬ nya mawꞈ˗eu aˬ cawˬ˗euˬ tsawˇ jeuˬ˗ahˇ mawˇ naˇ, aˬ dui aˬ joˆ˗ehˇ ya jahˇ˗eu nga?—od˗SI 100-101 ¶39-41