Poˆ jeˬ poˆ kawˆ

Aˇ yeˇ huiˬ dzehˬ˗eu jeˬ˗ahˇ tseˇ

Aˬ dui yawˬ gʼaˬ na luꞈ yawˬ haˇ yawˬ ha Jaˇliꞈ pyehˆ tseˇ˗eu aˇ yamˬ biˇ taˬ˗eu ma. Aˇ yamˬ ui cuiˆ tehꞈ˗ehˇ gaˇ dahˇ tsoeˬ˗eu jeˬ gʼawˬ mya ni za ni aˬ joˆ˗ehˇ jahˇ nya˗eu nga? Dahˬ beh˗eu jeˬ naˇ, gui gaˇ aˇ yamˬ ya biꞈ˗eu meh. Gʼawˬ mya ni duiˬ duiˬ daˬ daˬ˗ehˇ gui˗eu naˆ maˬ tseˇ ui cuiˆ tehꞈ˗ehˇ gui˗awˇ yaw muiˬ˗ehˇ pyehˆ tseˇ˗eu heu naˇ, gaˇ dahˇ tsoeˬ˗eu jeˬ za dzehˬ meh.

Aˇ yeˇ huiˬ dzehˬ˗eu jeˬ˗ahˇ tseˇ. (Eˇpeˇsu 5:15, 16) Nui noeˬ nui duˇ heu deuˬ˗ahˇ shaˇ noeˬ haw.

• Yawˬ nah na luꞈ Jaˇliꞈ gui. (Ja ceuˬ 1:2) Yawˬ jaw na luꞈ jawˇ nah yaw kaˬ mehˬ bawˬ˗ahˇ ja sawˇ˗eu Jaˇliꞈ gaˬ naˇ yaw huiˬ teu deuˬ˗ahˇ neh gui dahˬ beh˗eu teu naˇ, gaˇ dahˇ tsoeˬ˗eu jeˬ za nya˗eu meh.

• Loꞈ˗eu nymˇgoˇ hawˇ˗eu jawˇ nah yaw kaˬ mehˬ bawˬ˗euˬ gʼaˇ duˬ lehˬ hmˬ. Dawˬ kʼoꞈ biꞈ nya ni lehˬ hmˬ.—Ja ceuˬ 22:22.

• Aˇ yamˬ jaˆ naˇ jaˆ˗eu loꞈ˗ehˇ Maˬgaˬziˇ hawˇ˗eu biˬdiˬoˬ uˬ taꞈ, jw.org gʼoeˇsaiˇ laꞈ kʼoeˇ yuˇ daˆ taˬ˗euˬ jeˬ˗ahˇ yamˬ law miˇ ni gui, haw caw.

• Gaˇ kawˆ tiˬ hmˬ hmˬ˗ahˇ poˆ tseˇ. Yaw jeˬ ma jeˬ, yawˬ ha ya puˬ luꞈ˗eu shaˬ zahˬ, siˬ nya mawꞈ˗eu jeˬ, gʼoˆ shaw mawꞈ˗eu Jaˇliꞈ gaˇ kawˆ, heu deuˬ˗ahˇ poˆ tseˇ nya meh. Aˬ jeˬ jeˇ gaˇ kawˆ˗ahˇ poˆ tseˇ nya˗eu nga lehˇ siˬ nya mawꞈ naˇ, jw.org gʼoeˇsaiˇ laꞈ kʼoeˇ ahˇ˗eu “Jaˇliꞈ pyehˆ tseˇ˗eu aˇ taꞈ” lehˇ ehˇ gaˇ haw˗iˇ nya meh.