Yeˬsuˇ shiˇ˗eu aˬ dui˗ahˇ aˬ jeˬ taꞈ˗aˬ?

Aˬ dui mˬ maˬ maˬ byaˆ zaˇ ziˇ dehꞈ˗eu jeˬ za ni Yeˬsuˇ shiˇ dah˗eu meh. Yoˇhaˬ 3:16

Yeˬsuˇ shiˇ˗eu smˬ nah byah laˇ ngeh aˬ buˇ tiˬ deuˬ lmˬ bymˇ˗ahˇ haw iˇ ngeh Yeˬsuˇ˗euˬ mawˇ do maˬ paˇ jaˆ˗euˬ meh. Yeˬhawˇbaˬ Yeˬsuˇ˗ahˇ bi gʼoꞈ dehꞈ laˇ˗eu meh.

Kʼoeˇ naˇ Yeˬsuˇ aˬ yawꞈ˗eu gʼaˬ kʼehˇ deuˬ˗ahˇ bi mawˇ˗euˬ meh.

Yeˬhawˇbaˬ Yeˬsuˇ˗ahˇ tiˬ jawˇ iˬ maˬ shiˇ˗euˬ maˬ mawˇ nya˗euˬ mˬ taˆ gʼaˬ kʼehˇ duˇ ni shiˇ˗eu kʼawꞈ bi gʼoꞈ dehꞈ laˇ˗eu meh. Mˬ˗ahˇ Yeˬsuˇ gʼoꞈ daˆ leˇ gaˇ zaˬ lahˇ deuˬ ya mawˇ˗eu meh.

Miˬ yehˇ miˇ kʼahˬ laꞈ kʼoeˇ sahˬ paˬ bi geuꞈ˗eu lehˇ Yeˬsuˇ˗ahˇ paˇ bi gʼoꞈ dehꞈ laˇ˗eu meh. Daˬyeˬlaˇ 7:13, 14

Yeˬsuˇ shiˇ˗euˬ jeˬ˗aˬ tsawˇ haˬ˗ahˇ ka kʼoꞈ˗euˬ jeˬ pyeuꞈ˗eu meh. (Maꞈtehˬ 20:28) Ka kʼoꞈ˗eu jeˬ baˬ da neh mˬ maˬ maˬ byaˆ zaˇ ziˇ za˗eu aˇ yamˬ aˬ dui˗ahˇ Yeˬhawˇbaˬ biꞈ˗eu meh.

Yeˬhawˇbaˬ Yeˬsuˇ˗ahˇ sahˬ paˬ bi geuꞈ˗awˇ miˇ tsaˬ kʼoeˇ taˆ bi uˆ lahˇ˗eu meh. Yaw tsaˬ yaw dawˇ mˇ˗eu tsawˇ haˬ 144, 000 gʼaˬ˗ahˇ bi gʼoꞈ dehꞈ laˇ˗awˇ mˬ kʼoeˇ taˆ Yeˬsuˇ nehꞈ˗ehˇ jawˇ˗awˇ bi uˆ lahˇ˗euˬ meh. Yeˬsuˇ hawˇ˗eu 144, 000 gʼaˬ mˬ kʼoeˇ taˆ tiˬ kawˆ loꞈ˗eh jawˇ˗awˇ uˆ lahˇ˗eu jeˬ˗aˬ yawˇ muiˬ˗eu Miˬ yehˇ uˆ lahˇ˗eu miˇ kʼahˬ lehˇ kuˇ˗eu meh.—Pah mehˬ˗eu 14:1-3.

Miˬ yehˇ uˆ lahˇ˗eu jeˬ˗a miˇ tsaˬ˗ahˇ Eˬdeˬ yaˇ kmˇ bi pyeuꞈ laˇ˗eu mehˬ. Guiˇ deuˆ deuˆ˗eu jeˬ, smˇ kʼoeˬ tahˇ joe jeˬ, iˇ shaˬ shaˬ˗euˬ, mehˬ˗eu shuˬ˗eu jeˬ maˬ jaˆ, yawˬ gʼaˬ na luꞈ laˬ kʼaˬ ya cehˇ meh.—Ja ceuˬ 145:16.