Tiˬ gʼaˬ tiˇ gʼaˬ saˇ jaˇ ziꞈ˗awˬ

Yeˬhawˇbaˬ Miˬyehˇ “saˇ jaˇ” maˬ ya peuˬ˗a lehˇ ehˇ˗eu meh. (Maˬlaˬkiˇ 2:16) Saˇ jaˇ ziꞈ˗eu jeˬ heu naˇ, nymˇ jiˇ laꞈ kʼoeˇ aˇ yehˇ huiˬ˗eu jeˬ pyeuꞈ meh. Aˬ jeˬ miˇ neh ehˇ naˇ, saˇ jaˇ maˬ ziꞈ˗eu tsawˇ haˬ˗ahˇ nui ma maˬ taˬ nya˗a. Nui ma maˬ taˬ nya naˇ gaˬ˗eu jeˬ kʼawꞈ maˬ jaˆ nya˗a.

Nymˇ aˇ yamˬ˗ahˇ, tiˬ gʼaˬ tiˇ gʼaˬ saˇ jaˇ ziꞈ˗eu gʼaˇ duˬ shaˬ dui dui˗eu meh. Kʼoeˇ miˇ neh, nawˬ˗euˬ nymˇ jiˇ˗ahˇ saˇ jaˇ bi ziꞈ˗eu gʼaˇ duˬ, heu nyiˬ kawˆ˗ahˇ leh jeh˗awˇ ya mˇ meh.

1 Yawˬ ha˗euˬ aˇ gu aˇ yehˇ huiˬ

Jaˇliꞈ ehˇ˗eu: Aˇ yehˇ huiˬ “dzehˬ˗eu jeˬ˗ahˇ naw maꞈ tseˇ geuꞈ.” (Piˇliˇpiˆ 1:10) Nawˬ˗euˬ aˇ gu heu naˇ, nawˬ˗euˬ dehꞈ ziˇ laꞈ kʼoeˇ neh, aˇ yehˇ huiˬ dui dui˗eu tiˬ jeˬ pyeuꞈ meh. Teu miˇ neh, yawˬ ha˗euˬ nymˇ jiˇ˗ahˇ jeˬ hu ya taˬ meh.

Yeˬhawˇbaˬ yawˬ ha˗euˬ aˇ gu˗ahˇ bi kʼahˬ lahˇ˗awˇ, tiˬ kawˆ loꞈ˗ehˇ bi “byawˬ” bi cehˇ mawꞈ˗eu meh. (Dawˬtsoˆtsoˆ˗eu 9:9) Aˇ gu˗ahˇ maˬ byehˇ dzeh ni, laꞈ kʼaˬ bi cehˇ˗eu gʼaˇ duˬ ya leh jeh meh lehˇ, Miˬyehˇ maˇ jawˆ ni ehˇ taˬ˗euˬ meh. (1 Gawˇliˬtu 10:24) Aˇ gu˗ahˇ nawˬ˗ahˇ loˬ˗awˇ, nawˬ nehˬ˗ehˇ ya jawˇ˗eu nui kʼahˇ shiˇ miˇ˗a lehˇ bi siˬ nya˗awˬ.

Nawˇ mˇ nya˗eu jeˬ:

• Yawˬ ha˗euˬ aˇ gu˗ahˇ aˇ yamˬ biꞈ nehˬ˗awˬ. Gaˇ tiˬ kawˆ loꞈ˗ehˇ mˇ˗awˬ

• “Ngaˇ” lehˇ taˬ noeˬ “aˬ dui” lehˇ noeˬ˗awˬ

2 Nawˬ˗euˬ nui ma˗ahˇ bo saˆ˗awˬ

Jaˇliꞈ ehˇ˗eu: “Tsawˇ haˬ tiˬ gʼaˬ zaˬ miˬ zaˬ tiˬ gʼaˬ˗ahˇ haw˗awˇ, yuꞈ taꞈ jawˇ taꞈ mawꞈ˗eu nui ma ahˇ naˇ, nui ma laꞈ kʼoeˇ zaˬ miˬ zaˬ kʼoeˇ gʼaˬ˗ahˇ bahˬ˗euˬ muˆ˗euˬ meh.” (Maꞈtehˬ 5:28) Kʼoeˇ miˇ neh, maˬ muiˬ˗eu jeˬ˗ahˇ shaˇ noeˬ˗eu tehꞈ kʼawꞈ yawˬ ha˗euˬ aˇ gu˗ahˇ saˇ jaˇ peuˬ gaˇ duˇ meh.

Yeˬhawˇbaˬ “nui ma”˗ahˇ yaw muiˬ˗ehˇ bo saˆ lehˇ ehˇ taˬ˗euˬ meh. (Dawˬdaˬ 4:23; Yeˬlaˬmiˇ 17:9) Kʼoeˇ naˇ, myaˆ nuiˆ˗ahˇ jiˇ ni yaw muiˬ˗ehˇ ya bo saˆ meh. (Maꞈtehˬ 5:29, 30) Yawˇbaˆ˗ahˇ dzaw geuꞈ˗awˬ, aˬ yawꞈ naˇ zaˬ miˬ aˬ buˇ˗ahˇ mehˇ juiˇ juiˇ˗eu myaˆ nuiˆ neh maˬ haw lehˇ noeˬ tsehˆ taˬ˗euˬ meh. (Yawˇbaˆ 31:1) Nawˇ kʼawꞈ maˬ muiˬ˗eu aˇ baˇ deuˬ˗ahˇ maˬ haw lehˇ noeˬ tsehˆ taˬ˗awˬ. Kʼoeˇ naˇ, yawˬ ha˗euˬ aˇ gu nehˬ˗ehˇ maˬ ngeuˇ naˇ, aˬ cawˬ nehˬ˗ehˇ aˇ dzehˬ dzeuˇ ni maˬ ya cawˬ˗a.

Nawˇ mˇ nya˗eu jeˬ:

• Yawˬ ha˗euˬ aˇ gu˗ahˇ gaˬ˗awˇ saˇ jaˇ ziꞈ nga lehˇ, aˬ cawˬ˗ahˇ bi haw mawˇ˗awˬ

• Nawˬ˗euˬ aˇ gu˗euˬ nui ma˗ahˇ ya noeˬ keuˆ meh. Nawˇ aˬ cawˬ nehˬ˗ehˇ aˇ dzehˬ gʼoeˇ dzeuˇ luꞈ nga lehˇ, nawˬ˗euˬ aˇ gu nui ma maˬ saˇ ni pyeuꞈ luꞈ naˇ, cawˬ cawˬ˗eu jeˬ kʼoeˇ taˆ lehˇ naˬ˗awˬ