Gʼoeˇ˗eu gaˬ˗eu jeˬ ka dehꞈ

1. Taˬ aw laꞈ kʼoeˇ Miˬyehˇ ahˇ shaˇ ju.

Aˬ yawꞈ aˇ gʼehˇ dawˬ tawˆ ahˇ dzaw geuꞈ.

Dawˬ tawˆ laꞈ kʼoeˇ neh kʼaˇ huiˬ dzehˬ jeˬ,

yaw sahˇ ahˇ neh doˆ laˇ nui gaˬ pyeuꞈ.

Aˬ dui nui kʼaˬ nui gahˇ ahˇ kʼawꞈ ni,

gaˬ jeˬ maˬ ahˇ naˇ gaˇ dahˇ maˬ tsoeˬ.

Aˬ dui ngehˬ eu mˇ eu jeˬ heu neh,

gʼoeˇ gaˬ jeˬ bi mˇ nehˬ laꞈ lehˇ shaˇ.

2. Gaˬ eu jeˬ ahˇ naˇ muiˬ jeˬ mˇ mawꞈ.

Yawˬ ha gʼaˇ duˬ tehꞈ˗ehˇ maˬ shaˇ noeˬ a.

Gaˬ eu jeˬ aˬ nui pehˇ maˬ bi ahˇ.

Yeˬsuˇ mehˬ loꞈ˗ehˇ mehˇ nmˇ˗ahˇ iˬ baˇ pyehˬ.

Maˬ muiˬ yaw haiˬ oˇ dzeuˇ ni caw ba.

Huiˬ eu shaˬ zahˬ˗ahˇ kamˬ coeˇ ni caw ba.

Nui gaˬ lawˬ haw laˇ jeˬ˗ahˇ bi gʼaˬ leˇ.

Aˬ myah luꞈ jaˆ gʼeh gaˬ eu jeˬ heu.