Iˇnawˆ˗euˬ saˇ ka˗ahˇ neh yaˇ kʼaˬ daˇ˗eu deuˬ˗euˬ saˇ ka˗ahˇ keuˆ ni

Aˇ bymˇ 1-ahˇ 2,200 kʼoꞈ laꞈ kʼoeˇ pyeuꞈ yaꞈ˗euˬ gaˇ kawˆ deuˬ˗ahˇ ngehˬ keuˆ taˬ˗euˬ meh. Teu naˇ Aˬdaˬ dehꞈ luꞈ ngeh dehꞈ le˗euˬ Iˇnawˆ˗euˬ gaˇ kawˆ˗ahˇ neh aˇ dahˬ beh˗awˇ, Iˇsaˬleˬlaˆ˗euˬ sahˬ paˬ dahˬ beh˗eu gʼaˬ˗ahˇ tseˇ˗euˬ Saˬmeuˬlaˆ˗euˬ gaˇ kawˆ˗ahˇ keuˆ ni meh. Kʼoeˇ naˇ kʼaˬ duˬ ni gʼeh˗eu Noˇaˬ, Aˬbyaˬhaˬ, Saˬlaˇ, Moˇseˬ, Laˬhaˇ, Diˬboˇlaˬ, Giˇdoˬ heu deuˬ˗euˬ gaˇ kawˆ jiˇ ahˇ meh. Aˬ yawꞈ maꞈ laꞈ kʼoeˇ˗euˬ tiˬ deuˬ na gʼawˬ mahˇ ni kaˬ gaˇ shaˬ shaˬ˗ehˇ gaˇ ma ya doˆ˗iˇ˗awˇ, guˆ˗eu gaˆ˗eu jeˬ˗ahˇ ya puˬ˗euˬ meh. Tiˬ deuˬ na naˇ ‘Yeˬhawˇbaˬ˗euˬ guiˇ’ deuˆ˗euˬ meh. Aˬ yawꞈ maꞈ yawˬ gʼaˬ na luꞈ aˬ yawꞈ maꞈ˗ahˇ gaˬ˗eu Miˬyehˇ neh biꞈ˗euˬ gaˇ˗ahˇ kʼaˬ duˬ ni mˇ˗euˬ meh.