Enuɖetinɔnyɔ nɔ Akpaxwe 11

Akpa si gbɔna la ƒo nu tso Kristotɔwo Ƒe Hela Ŋɔŋlɔawo ŋu. Wodzi Yesu ɖe ƒome tsɛ aɖe si nɔ du sue aɖe me la me. Eya kple fofoa si nye atikpala lae wɔ dɔ. Yesu ye ava ɖe amegbetɔwo. Yehowa ɖoe be wòanye Fiaɖuƒe si le dziƒo la ƒe Fia. Ne dzilae nènye la, kpe ɖe viwòa ŋu wòakpɔ ŋudzedze ɖe ale si Yehowa gbɔ dzi ɖi hafi tia ƒome kple teƒe si Yesu anɔ atsi la ŋu. Ƒo nu tso ale si Yehowa kpɔ Yesu ta be Herodes mewui o kple ale si naneke mate ŋu axe mɔ na Yehowa ƒe tameɖoɖo o hã ŋu. Fia ale si Yehowa de dɔ asi na Yohanes be wòadzra mɔ dzi ɖo na Yesu lae. Te gbe ɖe ale si Yesu ɖee fia tso ɖevime ke be yelɔ̃ Yehowa ƒe nunya la dzi.