NÀ NƆ AO SUMƆSUMƆDƆ ANYƆ DOJI | TEKPƆ NƆ JI AJƆNƆ EO LE KUNUÐEÐEDƆƆ MƐ DOJI
Lɔn nɔ ao kpena dɔwatɔwo akpenɔdo eo nu
Yehowa na mì “nɔviwo . . . le xexe lɔ pleŋ mɛ” yí sɔ kpekɔdo mì nu. (1 Piɛ 5:9) Woatɛnŋ akpedo mì nu mìaɖu cukaɖa ciwo mìadogo le kunuɖeɖedɔ lɔ mɛ ji nywiɖe. Le kpɔwɛ mɛ, apotru Pɔlu xɔ kpedonu so Akilasi koɖo Prisi, Silasi, Timɔte, koɖo mɛbuwo gbɔ.—Edɔwawawo 18:1-5.
Lé ao kpena dɔwatɔwo akpedo eo nu le kunuɖeɖedɔ lɔ mɛ doɔ? Woatɛnŋ anu enu ŋtɔŋtɔ ciwo yí àwa so lé ànu do enyɔ ci amɛwo nunɔ yí sɔ gbenɔ mɔ yewo daxɔ mì nu, lé àwa trɔtrɔyiwo, lé àtɔ Bibla nukplakpla ji koɖo lé àkplakɔ Bibla koɖo amɛwo. Bu tamɛ kpɔ so mɛɖe ci yí akpedo eo nu le ha lɔ mɛ dru nu, yí abiɛ mɔ yɛ le kpedo ye nu. Mìkando ji mɔ míwo koɖo ve lɔ akpɔ nyɔna le mɛ, yí eji ajɔ mí.—Filipitɔwo 1:25.
MÍKPƆ VIDEO CI YÍ NYI EJI LE JƆ EO LE ENUKPLAVIWOWAWADƆ LƆ MƐ—LƆN AXƆNƆ YEHOWA KPEKPEDONU—MÌWO NƆVIWO, KEŊ AÐO NYƆBIƆSE CIWO MÌAKPƆ YƐ ŊCI:
Lé Neta tekpɔ yí do ŋsɛn Ʒake nɔ ava hamɛ lɔ bɔbɔwoɔ?
Nyi yí taɖo ele mɔ mìayɔnɔ eŋɛnywidratɔ buwo nɔ woakplɔnɔ mì yi mìwo Bibla nukplaviwo gbɔɔ?
Hamɛ lɔ pleŋ yí wanɔ mɛɖe enyinɔ Yesu dokplɔtɔ
Enu kuɖeka ŋmɛ ci yí bɔ yí jɔnɔ ji nɔ Ʒake koɖo Abla ɔ?
Nyiwo mɛ ao kpena dɔwatɔwo akpedo eo nu le yí nabi le kunuɖeɖedɔɔ mɛɔ?