Тузалу јӧптӧр. Таҥынаҥ ӱренер аргалар

«Кӧгӱс кожоҥдорды» ӱренигер

«Кезикте мен бойымды неге де турбас кижи деп бодойдым. Мындый кӱндерде Иегова мениҥ кӱӱнимди бродкастингтиҥ кожоҥдоры ажыра кӧдӱрет» (Лоррейн, США).

Христиандар Кудайды мактаарга, «кӧгӱс кожоҥдорды» јаантайын кожоҥдоп туратан (Кол. 3:16). Слер бу кожоҥдорды ӱренип алзаар, кожоҥныҥ сӧстӧри эмезе электронный эдимеер јанаарда јок то болзо, олор санаарга кирип келер. Берилген јӧптӧр кожоҥдорды ӱренип аларга болужар.

• Сӧстӧрин јазап кычырала, учурын оҥдоп алыгар. Јакшы оҥдоп алган неме бажыска артып калат. Бистиҥ кожоҥдор, ол тоодо балдардыҥ ла JW Broadcasting^®-тиҥ кожоҥдоры, jw.org сайтта бар. Ондо озо «Библиотека» деп, оноҥ «Кӱӱ» деп вкладканы јапазып ийигер.

• Кӧчӱре бичип алыгар. Мынайып этсеер, кожоҥныҥ сӧстӧри санаагарга артып калар (Јаҥ. т. 17:18).

• Ӱнденип ӱренигер. Кожоҥды кычырыгар эмезе канча катап кожоҥдоп ийигер.

• Канча кире ӱренип алганаарды кӧрӱгер. Кожоҥныҥ сӧстӧрин кӧрбӧй, эске алып ийигер. Анайып, канча кире ӱренип алганаарды кӧрӱп ийереер.