Lembe ma nwang’ere i thenge mir 14

Jukristu mi rundi ma kwong’a girweyo lembanyong’a mi Ker nitundo i theng ng’om ma bor nisagu. Yesu ubed utelo wigi nitundo kaka ma gicidh girwey i iye, man ebed emiyo igi copo i ayi mir udu kara giponj ng’atuman i dhok pare. Yehova umiyo igi tegocwiny man copo mi voyo ragedo ma tung’ tung’.

Yesu unyutho dwong’ pa Yehova ni Yohana i gin ma wok i wang’. Bende i gin ma wok i wang’ mange, Yohana uneno Ker mi polo ubekiedo i dhu Sitani, e evoyo Sitani man ejigo bimobim pare pi magwei. Yohana uneno Yesu ubebimo karacelo ku jubim wagi 144000. Eneno bende nia ng’om zoo udoko ni paradizo man dhanu ceke gibetimo thier ni Yehova i iye i kwiyocwiny man i acel.