Lembang’eya

JOL Umego ma juketho pi jolo dhanu gitie ayika pi nikonyi. Wakwayu ilub telowic ma gibimio pi parking, kite mi wotho i ka coko maeni, man lembe m’uneno gwoko kabedo ni dhanu m’iwotho kugi, ku lembe mange.

BATIZO Kan alokaloka mange mbe, jubiweko kom m’i wang’e, atira ku bop, ni ju ma bilimo batizo. Gibilar cibedo iwi kom m’i wang’ene i wang’ korolembe mi batizo, nyangu mi ceng’ soko. Ng’atuman biwotho ku bongu m’ebimondo ko i pii man bongu m’ebiweyo ko kume.

GIRAMIA Kara coko maeni ukadh ma ber man ekonywu wucor ceng’ini i vut Yehova, jutio ku sente lee akeca pi niyiko kabedo, jamtic mi koko dwal, jamtic mi video, ku piny mange dupa. Giramia mwu ma ku berocwiny konyo pi culo wang’ sente maeno ma jutio ko man pi nitielo tic mi Ker i ng’om zoo. Pi nidwoko lembe yot, juketho sanduku mi giramia ma jukiewo kumgi cuu kaka ma tung’ tung’ mi coko maeni. Wucopo mio bende giramia nikadhu kud i kusika mir Internet donate.jw.org. Giramia mwu ceke pigi tek lee. Guriri m’utelowic ubefoyowu lee dit pi giramia mwu ma ku berocwiny ma wubetielo ko tic mi Ker kara tije ucidh i wang’e.

YATH MIR ULAR NG’ADI Ng’ei nia yath maeni tie pi nilaru remo ma pio pio kende.

PINY M’URWINYO MAN MA JUNWANG’U Jucikiri nitero piny ceke ma junwang’u anwang’a i odtic mi piny m’urwinyo man ma junwang’u. Ka piny peri moko urwinyo, cidh i odtic maeno pi nineno ka nyo pinje ni kuca kara igame. Juromo tero bende awiya m’urwinyo kuca. Ento etie ngo ka gwoko awiya. Pieno, junyodo gicikiri nigwoko awiya migi cuu i ng’etgi.

KABEDO Tim kisa ipar pi dhanu mange. Ng’ei nia eber nigwoko kabedo kende kende ni dhanu m’uwotho kugi i mutukari acel, m’ukwo kugi karacelo kunoke dhanu m’iponjo kugi Biblia. Tim kisa kud iketh gin moko iwi kom mange maru ibicero kabedo ni dhanu mange.

JU M’UMIIRI KU BEROCWINYGI Kan imaru ikony tic moko i ka mi coko maeni ma dit, cidh inyuthiri i odtic mi Lembang’eya man odtic mi ju m’umiiri ku berocwinygi.

COKO MA SEGI

Somo mi jurwei Injili mi Ker Juyab yo ma gitie ku oro 23 nitundo 65 ma gimaru gitim lee akeca i tic mi Ker, gitie ajola i coko ma jubitimo kugi ceng’ yenga dieceng’. Jubitwong’o saa ku kaka ma cokone bitimere i ie.