Sanduku mwa mi jamtic mi ponjo Biblia ku dhanu
1. Jurwei lembanyong’a gitie calu jurubodho mi yiko piny. Nenedi?
1 Jurubodho mi yiko piny, gibed gitio ku jamtic ma tung’ tung’. Moko tie ma gibedo ku yenyne saa moko kende pi tic ma segi akeca, moko ke tie mir ukungu ma gitimo ko njaa. Jurubodho ma gidaru nigalu lee i tic migi, gibed giketho jamtic maeno mir ukungu i sanduku migi, man gitio kugi ku bodho akeca. Biblia uketho cwiny Jakristuman nia etim kero nitimo tic maeni ku bodho man nibedo “jatic ma lewic umbe i wie.” (2 Tim. 2:15) Jamtic makani ma pire tek lee i sanduku mwa? Tie Biblia—jamtic mi kwong’o ma watio ko pi ‘niketho dhanu gidok julub.’ (Mat. 28:19, 20) Pieno, wacikara nitimo kero nidoko jubodho “m’upoko lembe mandha cu.” Ento, i sanduku mwa mi ponji, watie bende ku jamtic mange ma wabed watio ko njaa, ma jurwei ceke gicikiri niponjo nitio ko ku bodho pi niponjo lemandha ni dhanu.—Rie. 22:29.
2. Kekwan jamtic mwa mir ukungu mi ponjo dhanu
2 Jamtic mwa mir ukungu mi ponjo dhanu: M’uweko Biblia, wacikara nitio bende ku jamtic makani? Jamtic mi kwong’o ma waponjo ko lemandha mi Biblia tie Qu’enseigne réellement la Bible ? (Biblia ponjo ang’o mandha?) Ka wadaru ponji mi buku maeno ku ng’atu ma waponjo kude Biblia, wamondo i ponji mi « Gardez-vous dans l’amour de Dieu » (“Wugwokuru i mer pa Mungu”) pi niponje ebed etii ku cik mir ukungu mi Biblia i kwo pare ma kubang’ ceng’. Pieno, wacikara nibedo ku bodho lee mi tio ku buku ario maeno. Bende, nyithibuku (brochures) ucikere ngo nikoso i sanduku mwa mi ponji. Nyathibuku Lembanyong’a m’Uai I Bang’ Mungu! utie acel m’ikind jamtic mir ukungu ma wacaku ko ponji mi Biblia. Ka kabedo ma wabekwo i ie utie ku dhanu ma ging’eyo somo piny cuu ngo kunoke dhanu ma giweco dhok ma girasoma mwa nwang’ere i ie nyanok kunoke nwang’ere ngo, i saa maeca wacikara nitio bende ku nyathibuku Winj Mungu kunoke Winj Mungu kara I Kwo Rondo ku Rondo. Jamtic mir ukungu ma watio ko pi nitelo dhanu ma waponjo kugi Biblia i dilo mwa tie nyathibuku Jukani m’Ubetimo Yeny pa Yehova Tin? Jamtic mange ma wacikara nitimo kero nitio ko ku bodho pi niketho dhanu gidok julub utie Video, calu ve Pirang’o Ukwayu Niponjo Biblia?, Lembang’o ma Bekadhu i Ot Ker?, man Dieu a-t-il un nom? (Nyo nying’ Mungu tie dee?)
3. Tic Mwa mi Ker mi nindo m’ubino bikonyowa nenedi?
3 Tic Mwa mi Ker mi nindo m’ubino bikonyowa wabed ku bodho akeca i tio ku jemni (publications) maeno mir ukungu ma nwang’ere i sanduku mwa mi jamtic mi ponjo dhanu. Ka wabetimo kero nitio ku jamtic maeno ku bodho, binyutho nia wabetimo nimakere ku juk mae ma tipo uyuyo i wie: “Dong’ ibed ku weng’i i kumi giri, man kum ponji peri. Bed asu i gin maeni; kum tek itimo kumeni ibibodhri giri ku dhanu m’ubeduwinji bende.”—1 Tim. 4:16.