Timo ma ber man woro ma thuth loko cwiny ng’atini

Wang’ ma pol, kura ma beco ma jumamon gibenyutho loko cwiny coggi bende niyio lemandha. Re eno copo kwayu niciro peko mi ot pi oro dupa. (1Pe 2:21-23; 3:1, 2) Kadok jubetimi rac i ot peri de, mediri nivoyo lembe ma rac ku timo ma ber. (Rm 12:21) Lapor peri ma cuu copo mio adwogi ma ber ma wec kende copo ngo.

Kepim nineno lembe i kite ma jadhogi mi gamiri neno ko. (Flp 2:3, 4) Kethiri kakare, bed ku kisa i kume man ii nitimo tic ceke ma min ot timo, kubang’e kubang’e. Winje cuu kinde m’eweco. (Yk 1:19) Bed ku cirocir, man keth jadhogi mi gamiri unen nia andha imare. Kadok nwang’u jadhogine unyutho ngo iri kit bero kunoke woro ma kumeno de, icopo bedo kud anyong’a pilembe Yehova ubefoyo ku gwokobeleng’ peri.​—1Pe 2:19, 20.

NEN VIDEO MA THIWIE TIE YEHOVA MIO IWA TEGO MA WAYEY KO TER MWA, MAN I NG’EYE, DWOK WANG’ PENJI M’ULUBO E:

• Kwo pa Grace Li ubino nenedi kinde ma fodi gigamiri agama?

• Ang’o m’ucwale niponjo lemandha mi Biblia?

• Nyamego Li uciro peko ma nenedi i ng’ei limo batizo?

• Nyamego Li urwo nenedi pi won ot pare?

• Mugisa ma kani ma nyamego Li unwang’u nikum timo pare ma ber man woro ma thuth m’enyutho?