Yikiri pi nirweyo ni dhanu ceke

Calu ma Yehova ugam upangu nyithindho mir Isreal kara lembe uwoth ma ber i kindgi, tin bende epangu lembe uwoth ma ber i kind dhanu pare kara gitim tic m’emio i korgi. I ng’om zoo, juketho filial, twodiri, cokiri man ungu mi lembanyong’a ubed unuti, kara tic mi lembanyong’a umedere i wang’e. Warweyo lembanyong’a ni dhanu ceke, uketho i ie dhanu ma weco dhok mange m’ukoc ku mwa.​—Ny 14:6, 7.

Nyo idaru pangu niponjo dhok mange kara ikony dhanu mange de ging’ei lemandha? Kadok nwang’u imbe ku saa m’icopo ponjo ko dhok mange de, re icopo tio kud application JW Language pi ning’eyo kende kende kite ma juromo caku ko thewec. Kan itimo kumeno, icopo nwang’u anyong’a ma rom ku ma Jukristu mi rundi ma kwong’a ginwang’u kinde ma ii dhanu mi ng’om mange uwang’ lii saa ma giwinjo “pi tic ma dwong’ pa Mungu” i dhok migi mir anyoli.​—Tic 2:7-11.

NEN VIDEO MA THIWIE TIE DOK JARIMB YEHOVA​—RWEI LEMBANYONG’A I DHOK MANGE, MAN I NG’EYE, DWOK WANG’ PENJI M’ULUBO E:

• 

  Icopo tio kud application JW Language i saa ma kani?

• 

  Kenyuth lembe moko ma nwang’ere i ie?

• 

  I kabedo m’ikwo i ie, juweco dhok mange ma kani?

• Icopo tim’ang’o ka ng’atu moko umaru niwinjo rwonglembe mi Ker, re eng’eyo ngo dhok peri?​—od mba. 100-101 udu. 39-41