MIIRI ZOO I TIC MI RWEYO LEMBANYONG’A | MED ANYONG’A PERI I TIC MI RWEYO LEMBANYONG’A
Kony ju m’iponjo kugi Biblia kara githei mer ma ceng’ini ku Yehova
Yehova ubemito mer ma wamare ko re m’ucwalwa nitimo ire. (Mt 22:37, 38) Mer ma ju m’ubeponjo Biblia gimaru ko Yehova re ma bimiyo igi tego mi timo aloka loka m’ubekwayere man nicungo ma tek i wang’ peko. (1Yh 5:3) Bende, mer ma gimaru ko Mungu re ma bicwalugi nilimo batizo.
Kony ju m’iponjo kugi Biblia ginen nia Mungu umarugi. Penjgi ku penji ma calu ve: “Lembe maeni ubemiyo iri ponji ma kani iwi Yehova?” Kunoke “lembuni ubenyutho nenedi nia Mungu umeri?” Konygi ginen gin gigi kite ma Yehova ubekonyo kogi. (2Ke 16:9) Kor igi kite ma Yehova ugam udwoko ko wang’ rwo peri moko, man mii amora i kumgi gibed ginen kite ma Yehova ubedwoko ko wang’ rwo migi bende. Anyong’a negowa lee kinde ma wabeneno juponj Biblia gibewinjiri nia Yehova umarugi man gin bende gibenyutho nia gimare man gimito gibed jurimbe.
NEN VIDEO MA THIWIYE TIE KONY JU M’IPONJO KUGI BIBLIA KARA GITHEI MER MA CENG’INI KU YEHOVA, MAN I NG’EYE DWOK WANG’ PENJI M’ULUBO E:
Jade unwang’ere ku peko ma kani?
Neeta ukonyo Jade nenedi?
Jade uvoyo peko pare nenedi?