Tim ponji peri ku nen ma ber

I wang’ nicaku ponji mwa ma segi, wacopo kepenjara kumae: ‘Amito anwang’ ponji ma kani i lembe m’abecisomo eni?’ Re mito wabed ku wang’wa kud wawek gin ma watie kud ava mi ponjo ucerwa kud i kum ponji ma Yehova ubemiyo iwa. Wacopo bedo ku nen ma ber nenedi kinde ma wabetimo ponji mwa?

Kway Yehova umii iri rieko. Kwaye ekonyi inen gin m’ebemito iponji (Yak. 1:5) Kud ijik iwi gin m’ing’eyo con.—Rie. 3:5, 6.

Wek tego mi Lembe pa Mungu utim tic i kwo peri. “Lembe pa Mungu e kwo.” (Ebr. 4:12) Ecopo bedo kud adwogi ma ber i wiwa ku bang’ kare ma wabesome, re nwang’u kende kende watie ku nen ma ber iwi gin ma wabeponjone.

Bed ku foyofoc i kum gin ceke ma Yehova ubetiyo ko pi niponjowa. Cam mi tipo m’ebemiyo iwa ubedo ve “agba mi gin ma mio.” (Isa. 25:6) Kud ilwor nicamu cam m’avane mbe i kumi. Cam ma Mungu ubemiyo iri bimiyo iri kony kende ngo, ento bende anyong’a!