Bed idwog iwi paru ma pigi tek

Nyo saa moko ebedo iri tek nipoy i kum lembe m’iai iponjo? Lembuno betimo wan ceke kare ku kare. Dong’ ang’o ma copo konyi? Utie nibedwogo iwi paru ma pigi tek lee.

Kinde m’ibeponjo piny, kebed icung tii pi nipoy i kum paru ma pigi tek m’iai iponjo. Paulo timo tap kumeno pi nikonyo ju ma bisomo barua pare. Ekiewo kumae: “Lembe ma pire tek lee ni e.” (Ebr. 8:1) I ayi maeno, ekonyo juwinj pare ninyang’ i kite ma paru m’ebeweco i wigi ubelwobiri ko man i kite ma girombo ko i kindgi.

I ajiki mi ponji peri, ukwayu ibed iting’ dakika ma romo apar pi nipoy i kum paru ma pigi tek lee mi gin m’iai iponjo. Tek ecopere ngo iri nipoy yot yot i kumgi, dok kendo iwi nyithi thiwiwec kunoke som kendo leni ma kwong’a mir udukuwecman pi nipoyo wii. Tek inwang’u ponji moko ma nyen, kepim nikoro iye ku wec ma peri giri. Kinde m’ibedwogo iwi paru ma pigi tek lee, eno bikonyi kende kende ngo nipoy i kumgi, ento bende ninyang’ i kite mi tiyo kugi i kwo peri.